د د س ۇ باسشىسى كۇزدە جاڭا پاندەمياعا دايىندالۋعا شاقىردى

الماتى. قازاقپارات - دۇنيەجۇزىلىك دەنساۋلىق ساقتاۋ ۇيىمىنىڭ (د د س ۇ) باس ديرەكتورى تەدروس ادانوم گەبرەيەسۋس كۇزدە جاڭا پاندەمياعا دايىندىقتى باستاۋعا شاقىردى.

بۇل تۋرالى د د س ۇ باسشىسى جەنيەۆادا وتكەن بريفينگتە مالىمدەدى، ونى ۇيىمنىڭ Twitter- دەگى رەسمي پاراقشاسى تاراتتى.

«كەلەسى ءۇش اي، جاڭا پاندەمياعا دايىندىقتى قامتاماسىز ەتۋ ءۇشىن، وعان قارسى شارالاردى ۇيىمداستىرۋ ءۇشىن ماڭىزدى كەزەڭ بولادى»، - دەدى گەبرەيەسۋس.

د د س ۇ باسشىسى بارلىق قاۋىپسىزدىك شارالارىن ساقتاۋدى، قورعانىس ماسكاسىن تاعۋدى، مۇمكىندىگىنشە COVID-19 ۆاكسيناسىن سالدىرۋ كەرەك ەكەنى تۋرالى ايتتى.

«د د س ۇ COVID-19-عا قارسى ۆاكسيناتسيامەن قاتار الەۋمەتتىك اراقاشىقتىقتى ساقتاۋ، ماسكا تاعۋ دەگەن سياقتى شارالاردى جالعاستىرىپ جاتىر»، - دەدى ول.

سونداي-اق، گەبرەيەسۋس الەمدە COVID-19 تارالۋ دەڭگەيى وتە جوعارى ەكەنىن ايتتى.

«الەمدە كۇن سايىن COVID-19 جۇقتىراتىنداردىڭ سانى تۇراقتاندى. وسىعان دەيىن - 4,5 ميلليوننان اسا اۋرۋ، 68 مىڭ ءولىم تىركەلدى»، - دەپ ءتۇسىندىردى ول.

«الايدا، ايماقتان ايماقتىڭ، ەلدەن ەلدىڭ، قالادان قالانىڭ اۋرۋدى جۇقتىرۋى ەرەكشەلەنەدى. مىسالى، كەيبىر ايماقتار مەن ەلدەردە COVID-19 جۇقتىرعاندار مەن قايتىس بولعاندار سانى كۇن سايىن ءوسىپ جاتىر. ازىرگە بۇل ۆيرۋس بارلىق جەردە قاۋىپ ءتوندىرىپ تۇر»، - دەپ تولىقتىردى گەبرەيەسۋس.