عالىمدار كوروناۆيرۋستىڭ تارالۋىن تەجەيتىن جولدى تاپتى
ولاردىڭ ايتۋىنشا، جاڭا دەرەكتەر سىنىپتار مەن جۇمىس ورىندارىندا COVID-19 بەن باسقا ۆيرۋستىق ينفەكتسيالاردىڭ تارالۋىن بولدىرماۋعا كومەكتەسەدى . زەرتتەۋ ناتيجەلەرى Journal of Hazardous Materials جۋرنالىندا جاريالاندى، - دەپ حابارلايدى ريا نوۆوستي .
تىنىس جولدارىنىڭ ۆيرۋستىق ينفەكسياسى ادامنان ادامعا تىكەلەي نەمەسە جاناما بايلانىس كەزىندە اۋا تامشىلارى ارقىلى بەرىلەدى . اۋا اينالىمىنا بايلانىستى شەكتەۋلى كەڭىستىكتە اراقاشىقتىقتى ساقتاۋ، ءارقاشان ۆيرۋستاردان قورعاي المايدى . سوندىقتان قالقالاردىڭ دۇرىس ورنالاسۋى جابىق كەڭىستىكتە رەسپيراتورلىق ۆيرۋستاردىڭ تارالۋىن تومەندەتۋدىڭ ءتيىمدى ادىستەرىنىڭ ءبىرى سانالادى .
ۋنيۆەرسيتەت عالىمى اۋاداعى تامشىلاردىڭ قوزعالىسىن تالداۋ جانە بولمەدە ادامداردى قورعاۋ ءۇشىن قالقالاردىڭ ءتيىمدى ورنالاسۋىن انىقتاۋ ءۇشىن Fluid Dynamic Computational زەرتتەۋىن جۇرگىزدى .
«قولدانىلاتىن CFD ءادىسى ءار ءتۇرلى فيزيكالىق جانە حيميالىق پروتسەستەردى يميتاتسيالاۋ ءۇشىن كومپيۋتەرلىك باعدارلامالار مەن كودتاردىڭ كومبيناتسياسىن قامتيدى . بۇل ءادىس عىلىمنىڭ بارلىق دەرلىك سالاسىندا، سونداي - اق CFD- ءدىڭ وزىندە، دىبىستان جوعارى اۆياتسيادان بيوەنەرگياعا دەيىن قولدانىلادى»، - دەدى پوليتەحنيكالىق ينستيتۋتىنىڭ «گيدراۆليكا جانە گيدروپنيەۆماتيكالىق جۇيەلەر « كافەدراسىنىڭ اعا عىلىمي قىزمەتكەرى افراسياب حان .
عالىمنىڭ ايتۋىنشا، ەسەپتىك سۇيىقتىق ديناميكاسى ادىسىمەن الىنعان مالىمەتتەردى قولدانا وتىرىپ، كومپانيالار قولايسىز ەپيدەميولوگيالىق جاعدايلار كەزىندە جۇمىستىڭ ادەتتەگى ىرعاعىن ساقتاپ، كارانتيندىك شارالاردان باس تارتا الادى .
«بۇل زەرتتەۋ تەوريالىق جانە پراكتيكالىق تۇرعىدان ءارتۇرلى جاعدايدى ەگجەي - تەگجەيلى زەرتتەۋگە نەگىز بەرەدى . ءبىز ۇلتتىق جانە حالىقارالىق دەڭگەيدەگى ىنتىماقتاستىقتى جوسپارلاپ وتىرمىز»، - دەدى عالىم .
بولاشاقتا گيدروديناميكالىق زەرتتەۋلەرگە سۇيەنە وتىرىپ، عالىمدار كەڭسەلەرگە، ۆوكزالدارعا، اۋەجايلارعا، تەڭىز پورتتارى مەن وندىرىستىك فابريكالارعا ادەتتەگىدەي جۇمىس ىستەۋگە مۇمكىندىك بەرەتىن ستاندارتتى نۇسقاۋلاردى ازىرلەيدى .
ەسكە سالايىق، بۇعان دەيىن كوروناۆيرۋستى 70 پايىزعا «ولتىرەتىن» پرەپارات تابىلعانى حابارلانعان بولاتىن . حالىقارالىق عالىمدار توبى «فەنوفيبرات» پرەپاراتى مەن ونىڭ فەنوفيبرين قىشقىلىنىڭ بەلسەندى ءتۇرى ادام جاسۋشالارىنداعى كوروناۆيرۋستى جويا الاتىنىن انىقتادى .
