قازاقستاندا كارانتين رەجيمى جەڭىلدەتىلەدى
پرەمەر- ءمينيستردىڭ تاپسىرماسى بويىنشا ەپيدەميولوگيالىق جاعدايدىڭ تۇراقتانۋىنا بايلانىستى ۆ ا ك كارانتيندىك رەجيمدى جەڭىلدەتۋ بويىنشا ءبىرقاتار شەشىمدى ماقۇلدادى.
1. اعىمداعى جىلدىڭ 28-تامىزىنان باستاپ رۇقسات بەرىلەدى: Ashyq جوباسىنا قاتىساتىن بارلىق بيزنەس وبەكتىلەرىنىڭ دەمالىس كۇندەرى ساعات 24:00 گە دەيىن، Ashyq جوباسىنىڭ كوشباسشىلارى - Ashyq قوسىمشاسى ارقىلى راستالعان قىزمەتكەرلەر مەن كەلۋشىلەردىڭ «جاسىل مارتەبەسى» (ۆاكسيناتسيالانعاندار، 7 كۇننەن كەم ەمەس تەرىس ناتيجەسى بار پ ت ر تەستىنىڭ بولۋى) بولعان جاعدايدا ساعات 02:00 گە دەيىن؛ سەنبى كۇنى- قوعامدىق كولىك قىزمەتىنە.
2. اعىمداعى جىلدىڭ 30-تامىزىنان باستاپ جۇمىس كۇندەرى: Ashyq جوباسىنا قاتىساتىن بارلىق بيزنەس وبەكتىلەرىنىڭ جۇمىس ۋاقىتى 22:00-دەن 24:00-گە دەيىن، Ashyq جوباسى كوشباسشىلارىنىڭ جۇمىس ۋاقىتى 24:00-دەن 02:00-گە دەيىن ۇزارتىلدى.
بۇل رەتتە ەپيدەميولوگيالىق جاعدايدى ەسكەرە وتىرىپ، الماتى قالاسىندا كارانتين شارالاردىڭ جەڭىلدەتىلۋىن 4-قىركۇيەكتەن باستاپ دەمالىس كۇندەرى، ال جۇمىس كۇندەرى 6-قىركۇيەكتەن باستاپ ەنگىزۋ جوسپارلانىپ وتىر. سونداي- اق، ۆ ا ك- تا جاڭا وقۋ جىلىنا دايىندىق ماسەلەسى قارالدى.
پرەمەر- ءمينيستردىڭ ورىنباسارى اعىمداعى جىلدىڭ تامىز ايىنىڭ سوڭىنا دەيىن ورىنداۋ ءۇشىن كەلەسى تاپسىرمالار بەردى:
مەديتسينالىق قارسى كورسەتىلىمدەرى بار ادامداردى قوسپاعاندا، پەداگوگتەر مەن تەحنيكالىق پەرسونالدى ۆاكسيناتسيالاۋدى اياقتاۋ؛
سانيتاريالىق تالاپتارعا سايكەس مەكتەپتەردىڭ تولىق دايىندىعىن قامتاماسىز ەتۋ؛
پەداگوگتەر، قىزمەتكەرلەر جانە اتا- انالار ءۇشىن بارلىق ءبىلىم بەرۋ ۇيىمدارىندا Ashyq جۇيەسىنىڭ جۇمىسىن قامتاماسىز ەتۋ؛
ءبىلىم بەرۋ ۇيىمدارىن وقۋلىقتارمەن، وقۋ- ادىستەمەلىك كەشەندەرمەن %100 قامتاماسىز ەتۋ بويىنشا شارالار قابىلداۋ؛
مەكتەپتەردە كۇردەلى جانە اعىمداعى جوندەۋ جۇمىستارىن اياقتاۋ.
ۆ ا ك وتىرىسىندا پرەمەر- ءمينيستردىڭ ورىنباسارى باسقا دا ءبىرقاتار تاپسىرمالار بەردى.
