ايدا بالايەۆا: ب ا ق وكىلدەرىنە قاتىستى بۇنداي كەلەڭسىز جاعدايلارعا جول بەرىلمەۋى قاجەت

نۇر- سۇلتان. قازاقپارات – ق ر اقپارات جانە قوعامدىق دامۋ ءمينيسترى ايدا بالايەۆا الماتىدا كۇزەتشى ءجۋرناليستى اكىمدىكتەن كوتەرىپ شىعارىپ تاستاعان وقيعاعا قاتىستى پىكىر ءبىلدىردى، دەپ حابارلايدى قازاقپارات.

«وزدەرىڭىزگە ءمالىم، الماتى قالاسى، الاتاۋ اۋدانى اكىمدىگى قىزمەتكەرىنىڭ جۋرناليست اقبوپە تاڭىربەرگەنگە كۇش قولدانعان تەرىس ارەكەتى ينتەرنەت جەلىسىندە قىزۋ تالقىلانىپ جاتىر. اۋداندىق اكىمدىكتىڭ جاۋاپتى تۇلعالارىنىڭ بۇعان قاتىستى ەش شارا قولدانباۋى ماسەلەنى ءتىپتى دە ۋشىقتىرىپ وتىر. بۇل ارينە وتە وكىنىشتى جانە ءبىزدىڭ بۇگىنگى «ەستيتىن مەملەكەت»، «اشىق اكىمدىك» قاعيدالارىنا قايشى كەلەتىن جاعداي»، دەپ جازدى ايدا بالايەۆا Facebook-تەگى پاراقشاسىندا.

ءمينيستردىڭ مالىمدەۋىنشە، جۋرناليستەردىڭ قۇقىعىن بۇزۋعا، ولاردىڭ رەسمي جۇمىسىنا كەدەرگى كەلتىرىپ، كۇش كورسەتۋگە ەشقاشان جول بەرىلمەۋى كەرەك.

«ولار وزدەرىن قاي جەردە دە ەركىن سەزىنۋى ءتيىس. ب ا ق وكىلدەرى ەلىمىزدىڭ ءتيىستى زاڭنامالارى مەن ءنورماتيۆتى- قۇقىقتىق اكتىلەرىنە سايكەس قاجەتتى تولىققاندى اقپارات الۋعا قاي كەزدە دە قۇقىلى. بۇل جاعدايعا قاتىستى، الماتى قالاسى اكىمدىگىنىڭ باسشىلىعى قىزمەتتىك تەكسەرۋ جۇرگىزىپ، ءتيىستى شارالار قابىلداۋى قاجەت دەپ سانايمىن. كىنالى تۇلعالار جاۋاپقا تارتىلۋى ءتيىس. الداعى ۋاقىتتا قاي جەردە بولماسىن، ب ا ق وكىلدەرىنە قاتىستى بۇنداي كەلەڭسىز جاعدايلارعا جول بەرىلمەۋى قاجەت»، - دەدى ايدا بالايەۆا.

ەسكە سالا كەتسەك، الماتى قالاسى الاتاۋ اۋدانى اكىمدىگى جاعدايعا قاتىستى تۇسىنىكتەمە بەردى.