توقتار اۋباكىروۆ كوروناۆيرۋسقا شالدىقتى

نۇر- سۇلتان. قازاقپارات - قازاقتىڭ تۇڭعىش عارىشكەرى، حالىق قاھارمانى توقتار اۋباكىروۆ كوروناۆيرۋس ىندەتىنە شالدىقتى، دەپ حابارلايدى قازاقپارات ق ر پرەزيدەنتىنىڭ ءىس باسقارماسى مەديتسينالىق ورتالىعى اۋرۋحاناسىنىڭ باسپا ءسوز قىزمەتىنە سىلتەمە جاساپ.

«توقتار اۋباكىروۆ 21-تامىز كۇنى ءبىزدىڭ مەديتسينالىق ورتالىققا جۇگىنىپ، تەرلەۋ، السىزدىك جانە جوتەلدىڭ مازالاعانىن ايتتى. سايكەسىنشە جەدەل مەديتسينالىق جاردەم جونەلتىلدى. قاراۋ بارىسىندا ناۋقاستىڭ جاعدايى تۇراقتى بولدى، ساتۋراتسيا %95، دەنە قىزۋى 36.6 بولدى. سول سياقتى پ ت ر- تەست تاپسىردى، ونىڭ ناتيجەسى وڭ بولىپ شىقتى. جانە پ ت ر- تەستىڭ ناتيجەسىنە سايكەس ناۋقاسقا قوسىمشا مەديتسينالىق نۇسقاۋلىق بەرىلدى. پاتسيەنتتىڭ ايتۋىنشا، 6 كۇن بويى اۋىرعان جانە ءۇي جاعدايىندا ەم العان. وسىعان دەيىن اۋرۋحانا كومەگىنە جۇگىنبەگەن»، - دەپ حابارلايدى اتالعان مەكەمەدەن.

وتاندىق ۇشقىش قازىرگى ۋاقىتتا ەلورداداعى ينفەكسيالىق ورتالىقتا ەم الىپ جاتىر.

«23-تامىز كۇنى پرەزيدەنتىنىڭ ءىس باسقارماسى مەديتسينالىق ورتالىعىنىڭ اۋرۋحاناسىنىڭ ءموبيلدى بريگاداسى پاتسيەنتتەن مەديتسينالىق اناليز الىپ، كوكىرەك سەگمەنتىنە كومپيۋتەرلىك توموگرافيا جاسالدى. لابوراتوريالىق زەرتتەۋ ناتيجەسىنەن سوڭ ناۋقاسقا نۇر- سۇلتان قالالىق ينفەكتسيالىق ورتالىقتا ەم الۋعا جولداما بەرىلدى. پاتسيەنت اۋرۋحاناعا جاتۋدان باس تارتتى. 24-تامىز كۇنى تاڭەرتەڭ ماماندار ناۋقاسپەن سۇحباتتاستى، سودان سوڭ سىرقات ورتا اۋىر جاعدايداعى كوروناۆيرۋس ىندەتىمەن قالالىق ينفەكتسيالىق ورتالىققا جاتقىزىلدى»، - دەلىنگەن حابارلامادا.

سونداي- اق، اتالعان اۋرۋحانانىڭ مالىمەتىنە سەنسەك، توقتار اۋباكىروۆ ىندەتكە قارسى ۆاكسينا العان.