سەگىز وڭىردە اۋا رايىنا بايلانىستى ەسكەرتۋ جاريالاندى

نۇر-سۇلتان. قازاقپارات - قازگيدرومەت ەلىمىزدىڭ ءبىرقاتار وڭىرىندە اۋا رايىنا بايلانىستى ەسكەرتۋ جاريالادى، دەپ حابارلايدى قازاقپارات.

اتىراۋ وبلىسىندا 39 گرادۋسقا دەيىن قاتتى ىستىق كۇتىلەدى. كەي جەرلەردە توتەنشە ءورت قاۋىپى ساقتالادى.

اتىراۋ قالاسىندا 24 - تامىزدا 37-39 گرادۋسقا دەيىن اپتاپ ىستىق كۇتىلەدى.

قوستاناي وبلىسىنىڭ باسىم بولىگىندە 37 گرادۋسقا دەيىن قاتتى ىستىق ساقتالادى. وبلىستىڭ ورتالىق جانە وڭتۇستىك اۋداندارىندا توتەنشە ءورت قاۋپى بار.

باتىس قازاقستان وبلىسىنىڭ باتىسىندا، سولتۇستىك-باتىسىندا نايزاعاي جارقىلدايدى. جەل وڭتۇستىك-شىعىستان سولتۇستىككە اۋىسادى، وبلىستىڭ باتىسىندا، سولتۇستىك-باتىسىندا جەلدىڭ جىلدامدىعى 15-20 م/س جەتۋى ىقتيمال. 38 گرادۋس قاتتى ىستىق بولادى. ءورت قاۋىپى ساقتالادى.

اقمولا وبلىسىنىڭ وڭتۇستىك- شىعىسىندا نايزاعاي كۇتىلەدى، سولتۇستىك-شىعىستان جەل سوعادى، كۇشى نايزاعاي كەزىندە 15-20 م/س جەتەدى. توتەنشە ءورت قاۋىپى ساقتالادى. تۇندە جانە تاڭەرتەڭ ماڭعىستاۋ وبلىسىنىڭ جاعالاۋىندا تۇمان تۇسەدى. كۇندىز وبلىستىڭ وڭتۇستىگىندە 38 گرادۋس قاتتى ىستىق ساقتالادى.

پاۆلودار وبلىسىنىڭ باتىسىندا نايزاعاي جارقىلداپ، سولتۇستىك-شىعىستان سوققان جەل وڭتۇستىك باعىتقا اۋىسادى، ەكپىنى 15-20 م/س.

قىزىلوردا وبلىسىندا شاڭدى داۋىل تۇرادى. جەل سولتۇستىك-شىعىستان سوعادى، كۇشى وبلىستىڭ ورتالىعىندا 15-20 م/س جەتەدى. ءورت قاۋپى ساقتالادى.

جامبىل وبلىسىنىڭ تاۋلى جانە تاۋ بوكتەرلى اۋداندارىندا نايزاعاي، بۇرشاق كۇتىلەدى. وبلىستىڭ سولتۇستىك-شىعىسىندا شاڭدى داۋىل كۇتىلەدى. 23-25- تامىزدا سولتۇستىك-شىعىستان جەل سوعادى، وبلىستىڭ سولتۇستىك-شىعىسىندا، وڭتۇستىك-باتىسىندا 15-20 م/س كۇتىلەدى. توتەنشە ءورت قاۋپى ساقتالادى.