قازاقستاندا نەگىزگى ازىق- تۇلىك قورى قانشا
«ق ر اۋىل شارۋاشىلىعى مينيسترلىگى ازىق- تۇلىك تاۋارلارىنىڭ 32 ءتۇرى بويىنشا وڭىرلەردىڭ قامتاماسىز ەتىلۋىنە اپتا سايىن مونيتورينگ جۇرگىزەدى. مونيتورينگ تۇراقتاندىرۋ قورلارىنداعى، ءىرى ساۋدا جەلىلەرىندەگى، جەتكىزۋشىلەر مەن قايتا وڭدەۋ كاسىپورىندارىنىڭ قويمالارىنداعى قورلاردى ەسكەرەدى. وڭىرلەردىڭ جەدەل دەرەكتەرىنە قاراعاندا، بيىلعى 19-تامىزداعى جاعداي بويىنشا ەلىمىز بويىنشا جالپى كولەمى 819 مىڭ توننا ءتۇرلى ازىق- تۇلىك تاۋارلارىنىڭ قورى بار. ونىڭ ىشىندە ءوندىرۋشى كاسىپورىنداردا - 301 مىڭ توننا، قويمالاردا - 86,6 مىڭ توننا، ساۋدا جەلىلەرىندە - 374 مىڭ توننا، تۇراقتاندىرۋ قورلارىندا - 18,3 مىڭ توننا. بۇدان باسقا، 495,7 ميلليون دانا جۇمىرتقا قورى بار»، - دەلىنگەن مينيسترلىك مالىمەتىندە.
كورسەتىلگەن كولەم ءونىم تۇرلەرىنە بايلانىستى ءبىر ايدان التى ايعا دەيىنگى مەرزىمگە جەتكىلىكتى.
«ازىق- تۇلىك تاۋارلارىنىڭ ءوندىرىسى ارتىپ، قورلار ۇنەمى جاڭارتىلىپ، تولىقتىرىلىپ وتىرادى. سوندىقتان ولار بويىنشا تاپشىلىق جوق جانە ۇزاق مەرزىمگە جەتكىلىكتى تۇراقتى قور بار»، - دەپ اتالىپ وتكەن حابارلامادا.
