پرەزيدەنت الماتىنى اباتتاندىرۋ جونىندەگى جوبالارمەن تانىستى
قاسىم-جومارت توقايەۆتىڭ الماتىداعى جۇمىس ساپارى قالانى اباتتاندىرۋعا باعىتتالعان جوبالارمەن تانىسۋدان باستالدى. باقىتجان ساعىنتايەۆ مەملەكەت باسشىسىنا قالانىڭ پوليورتالىق مودەلىن قالىپتاستىرۋدى كوزدەيتىن «جاڭا الماتى» باعدارلاماسى تۋرالى باياندادى.
بۇل جوبا قالا تۇرعىندارى ءۇشىن ءومىر سۇرۋگە قولايلى جاعداي جاساپ، ولاردىڭ ەركىن دەمالۋىنا جاڭا قوعامدىق كەڭىستىكتەر قۇرۋعا باعىتتالعان. مەملەكەت باسشىسى اكىمنىڭ ەسەبىن تىڭداعاننان كەيىن بارلىق جوبالار قالادا قاۋىپسىز ورتا قالىپتاستىرىپ، شاھارداعى وسىمدىكتەر قورىن ساقتاپ قالۋعا باعىتتالۋى قاجەت ەكەنىن اتاپ ءوتتى.
پرەزيدەنت قۇرىلىپ جاتقان جاڭا ساياباقتار جەرگىلىكتى تۇرعىنداردىڭ دەمالىسىنا ىڭعايلى بولۋى كەرەك دەپ ەسەپتەيدى. قاسىم-جومارت توقايەۆ جالپى قالادا جۇرگىزىلىپ جاتقان جۇمىستارعا وڭ باعا بەردى. قالا باسشىسىنا ءار اۋداندا تۇرعىنداردىڭ دەمالىسى مەن ەركىن ءجۇرىپ-تۇرۋىنا قولايلى زاماناۋي الاڭقايلار سالۋعا كوڭىل ءبولۋدى تاپسىردى.
