ازيا چەمپيوناتى: جاس قازاق بوكسشىسى ەكىنشى رەت جەڭىسكە جەتتى

نۇر-سۇلتان. قازاقپارات - بوكستان جاستار مەن جاسوسپىرىمدەر اراسىنداعى ازيا چەمپيوناتىندا قازاقستاندىق ادايبەك نيازباي ەكىنشى جەڭىسىنە قول جەتكىزدى، دەپ حابارلايدى قازاقپارات ءتىلشىسى.

ايتا كەتەيىك، قۇرلىقتىق دودا بىرىككەن اراب امىرلىگىنىڭ دۋباي قالاسىندا وتكىزىلۋدە. ادايبەك نيازباي 2005-2006 -جىلعى جاسوسپىرىمدەر اراسىندا 54 كەلى سالماقتا سىنعا تۇسۋدە. ول العاشقى جەكپە-جەگىندە قارسىلاسىن تورەشىلەر شەشىمىمەن جەڭگەن بولاتىن. ەكىنشى جەكپە-جەگىندە ادايبەك سيريالىق مۋحاممەدپەن قولعاپ ءتۇيىستىردى. شارشى الاڭ تورىندە ول قارسىلاسىن ەكى مارتە نوكداۋنعا جىبەردى.

ءۇشىنشى راۋندتا تورەشىلەر قازاقستاندىق بوكسشىنىڭ باسىمدىعىن ءبىر اۋىزدان ماقۇلدادى. ادايبەك نيازباي بۇرىن قازاقستان چەمپيونى اتانعان. سونداي-اق، سەربيادا وتكەن حالىقارالىق تۋرنيردە جەڭىمپاز اتاندى.

اۆتور: ءادىلجان ۇمبەت