07:25, 23 - تامىز 2021 | GMT +5
فرانسۋز مانەرلەپ سىرعاناۋشىسى ديماشتىڭ قازاق تىلىندەگى انىنە بيلەدى - ۆيدەو
نۇر-سۇلتان. قازاقپارات - فرانسۋز سپورتشىسى يان ۆوكلەن جاسوسپىرىمدەر اراسىندا مانەرلەپ سىرعاناۋدان الەمدىك گران- پري كەزەڭىندە ديماش قۇدايبەرگەننىڭ ءانى ىرعاعىمەن ونەر كورسەتتى، دەپ حابارلايدى قازاقپارات.
مانەرلەپ سىرعاناۋشىنىڭ ونەر كورسەتكەن ءساتى تاسپالانعان ۆيدەونى ديماشتىڭ اكەسى قانات ايتبايەۆ جاريالادى.
«فرانسيانىڭ كۋرشاۆەلۋ. جاسوسپىرىمدەر اراسىنداعى مانەرلەپ سىرعاناۋدان گران-پري كەزەڭى. فرانسۋزدىق مانەرلەپ سىرعاناۋشى ديماش قۇدايبەرگەننىڭ ورىنداۋىنداعى «Qairan elim» ءانى ىرعاعىمەن ونەر كورسەتىپ جاتىر»، - دەپ جازدى قانات ايتبايەۆ Instagram پاراقشاسىندا.
ايتا كەتەيىك، ەركىن باعدارلاما قورىتىندىسىندا 17 جاستاعى يان ۆوكلەن 4-ورىن الدى. مانەرلەپ سىرعاناۋدان گران-پري توپتاماسى - بۇل حالىقارالىق كونكيمەن جۇگىرۋشىلەر وداعىنىڭ رەيتينگى بويىنشا عالامشاردىڭ ەڭ ۇزدىك مانەرلەپ سىرعاناۋشىلار اراسىنداعى مانەرلەپ سىرعاناۋدان جىل سايتىن وتەتىن كوممەرتسيالىق تۋرنيرلەردىڭ جيىنتىعى.
