ق ر پرەزيدەنتى الماتى وبلىسىنىڭ باسشىلىعىنا ۆاكسيناتسيانى جەدەلدەتۋدى تاپسىردى
قازاقستان پرەزيدەنتىنە كومپانيانىڭ جۇمىسى مەن شىعاراتىن ونىمدەرى تۋرالى مالىمەت بەرىلدى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.
كومپانيا باسشىلىعى «Dolce « كاسىپورنىنىڭ ەل نارىعىندا 1998 -جىلدان بەرى جۇمىس ىستەپ كەلە جاتقانىن ايتتى. 372 ادام ەڭبەك ەتىپ جاتقان كاسىپورىن 160 تان استام ءونىم شىعارادى. ولاردىڭ اراسىندا قازىرگى ۋاقىتتا اسا قاجەت مەديتسينالىق قولعاپتار، ءۇش جانە ءتورت قاباتتى بەتپەردەلەر، حالاتتار، ءدارى- دارمەكتەر بار. كومپانيانىڭ جىلدىق قارجى اينالى - 8,4 ميلليارد تەڭگە. مەملەكەت باسشىسىنا وبلىستاعى دەنساۋلىق ساقتاۋ سالاسىنىڭ جاعدايى تۋرالى باياندالدى.
الماتى وبلىسىندا كوروناۆيرۋسقا قارسى ءىس- شارالار اياسىندا قىسقا مەرزىمدە 200 توسەكتىك جۇقپالى اۋرۋلار اۋرۋحاناسى سالىنىپ، 180 جەدەل جاردەم كولىگى جانە 12 جىلجىمالى مەديتسينالىق كەشەن ساتىپ الىنعان. وبلىستىڭ 17 اۋرۋحاناسى وتتەگى ستانتسيالارىمەن قامتاماسىز ەتىلىپ، توسەك- ورىنداردىڭ 45 پايىزى وكسيگەنوتەراپيامەن قامتىلعان.
17 كومپيۋتەرلىك توموگراف، 53 رەنتگەن، 75 حاي فلۋ، 606 جەلدەتۋ اپپاراتتارى جۇمىس ىستەپ تۇر. سونىمەن قاتار بۇگىندە وبلىس حالقىنىڭ 649 مىڭ تۇرعىنى ەكپەنىڭ ءى كومپونەنتىن، 510 مىڭى II كومپونەنتىن سالدىرعان. بۇل وبلىس حالقىنىڭ 60 پايىزى ۆاكتسينامەن قامتىلعانىن كورسەتەدى. قاسىم- جومارت توقايەۆ وبلىس باسشىلىعىنا وڭىردەگى ەپيدەميولوگيالىق جاعدايدى ۇنەمى باقىلاۋدا ۇستاۋدى، ۆاكسينا سالۋ جۇمىسىن جەدەلدەتۋدى تاپسىردى.
