13:31, 22 - تامىز 2021 | GMT +5
كابۋل: اۋەجاي ماڭىنداعى احۋال
نۇر-سۇلتان.قازاقپارات - قازىر كابۋل اۋەجايىنىڭ ماڭىنا مىڭداعان ادام جينالعان. تالىپتەردەن قاشىپ، باس ساۋعالاعان حالىق اۋەجاي ىشىنە كىرۋگە تالپىنىپ جاتىر.
تالىپتەر اۋەجايعا بارار جولدا باقىلاۋ- تەكسەرۋ بەكەتتەرىن ورناتىپ، جەرگىلىكتى تۇرعىنداردى وتكىزبەي تۇر. وزگە ەلدەردىڭ ەلشىلىكتەرى مەن باسقا دا ۇيىمداردا جۇمىس ىستەگەن ازاماتتاردىڭ دا اۋەجايعا كىرۋى قيىنداپ كەتكەن.
كەي اقپارات كوزدەرى ءتىپتى تالىپتەر شاھاردا شەت مەملەكەتتەرگە قىزمەت ەتكەن ازاماتتار مەن كۇشتىك قۇرىلىمداردىڭ بۇرىنعى قىزمەتكەرلەرىن ىزدەپ جاسىرىن جازالاۋعا كىرىسكەنىن جازعان.
egemen.kz
