قازاقستان ۆاكسينالاردىڭ قانشا دوزاسىن ساتىپ الدى

نۇر- سۇلتان. قازاقپارات - قازاقستان ۆاكسينالاردىڭ قانشا دوزاسىن ساتىپ الدى؟ بۇل ساۋالعا ق ر دەنساۋلىق ساقتاۋ ءمينيسترى الەكسەي سوي جاۋاپ بەردى، دەپ حابارلايدى قازاقپارات ءتىلشىسى.

«جالپى، ءبىز ۆاكتسينانىڭ بىرنەشە تۇرىنە كەلىسىمشارتقا قول قويعانبىز. «سپۋتنيك V» بويىنشا 14 ميلليون 280 مىڭ دوزا، Hayat-Vax 1 ميلليون دوزا، QazVac 2,97 ميلليون دوزا، Sinovac 500 مىڭ دوزا ساتىپ الىندى جانە 4 ميلليون دوزا Sinofarm جەتكىزىلەدى دەپ كۇتىپ وتىرمىز»، - دەدى مينيستر ورتالىق كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا ب ا ق وكىلدەرىنىڭ ساۋالىنا وراي.

ونىڭ اتاپ وتۋىنشە، بيىل حالىقتى يممۋنيزاتسيالاۋ ءۇشىن ۆاكسينا ساتىپ الۋعا 95,3 ميلليارد تەڭگە جۇمسالدى. ياعني 10 ميلليون 890 مىڭ ادامعا ەكپە جاساۋ ءۇشىن وسىنشاما قارجى شىعىندالىپ وتىر.

سونىمەن قاتار الەكسەي تسوي الداعى ۋاقىتتا ۆاكسينا باعاسى تومەندەيتىندىگىن، كەلەسى توپتامانى ءبىرشاما تومەن باعامەن ساتىپ الاتىندىعىن باسا ايتتى.