18:21, 20 - تامىز 2021 | GMT +5
مەملەكەت باسشىسى قاسىم- جومارت توقايەۆ رەسەيگە جۇمىس ساپارىمەن بارادى
نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ رەسەي فەدەراتسياسىنا جۇمىس ساپارىمەن بارادى، دەپ حابارلايدى قازاقپارات پرەزيدەنتتىڭ باسپا ءسوز حاتشىسى بەرىك ۋاليگە سىلتەمە جاساپ.
«ەرتەڭ، 21-تامىزدا مەملەكەت باسشىسى قاسىم- جومارت توقايەۆ رەسەي فەدەراتسياسىنا جۇمىس ساپارىمەن بارادى. ساپار بارىسىندا پرەزيدەنت ۆلاديمير پۋتينمەن كەزدەسۋ جوسپارلانعان. ەكى ەل باسشىلارى ەۋرازيا كەڭىستىگىندەگى وڭىرلىك قاۋىپسىزدىك جانە ينتەگراتسيالىق ۇدەرىستەر ماسەلەلەرى بويىنشا پىكىر الماسادى. سونداي- اق قازاقستان مەن رەسەي اراسىنداعى ەكىجاقتى ىنتىماقتاستىق پەن ستراتەگيالىق ارىپتەستىكتىڭ وزەكتى ماسەلەلەرى تالقىلانادى»، دەپ جازدى بەرىك ءۋالي Facebook-تەگى پاراقشاسىندا.
