الماتىدا ب ۇ ۇ- نىڭ قانداي ۇيىمدارى شوعىرلانادى
«مۇنداي شەشىمنىڭ شىعۋىنا ەلىمىزدىڭ وڭىرلىك جانە جاھاندىق قاۋىپسىزدىكتى قامتاماسىز ەتۋ ىسىندەگى جوعارى بەدەلى دە ماڭىزدى بولدى. الماتىنى كوپجاقتى ىنتىماقتاستىقتىڭ وڭىرلىك ورتالىعى دەپ اتاۋعا بولادى»، - دەدى اقان راحمەتۋللين.
ونىڭ ايتۋىنشا، بۇگىنگى تاڭدا الماتىدا حالىقارالىق ۇيىمداردىڭ عيماراتىندا ايماقتىق جانە سۋبوڭىرلىك مارتەبەگە يە ب ۇ ۇ- نىڭ 18 اگەنتتىگىنىڭ وكىلدىكتەرى ورنالاسقان.
(UNDP, IOM, UNESCO, UNEP, UNAIDS, UNFPA, UNICEF, UNOHCHR, UNODC, UNESCAP, UNHCR, UNISDR, UNOCHA, WHO, UNDSS, UNDGC, UN WOMEN, FAO)
سونىمەن قاتار، قالادا باسقا حالىقارالىق ۇيىمدار مەن ديپلوماتيالىق كورپۋس بار. «وسى تۇرعىدا UNAMA- نىڭ ۋاقىتشا كەڭسەسىنىڭ اشىلۋى الماتىنىڭ ب ۇ ۇ- نىڭ وڭىرلىك حابى رەتىندەگى مارتەبەسىن ودان ءارى نىعايتۋعا جاقسى كومەك بولادى»، - دەپ قورىتىندىلادى سپيكەر.
ونىڭ ايتۋىنشا، قازاقستان تاراپى ب ۇ ۇ قىزمەتكەرلەرىن ورنالاستىرۋ ءۇشىن ب ۇ ۇ قاۋىپسىزدىك تالاپتارىنا جانە باسقا پارامەترلەرگە سايكەس كەلەتىن ورىندى تابۋعا جاردەمدەسەدى.
«ءبىز UNAMA- نىڭ قازاقستاندا بولۋىن حالىقارالىق- قۇقىقتىق رەسىمدەۋ ماسەلەسىن پىسىقتاۋعا كىرىستىك. ايتا كەتۋ كەرەك، ب ۇ ۇ باسشىلىعى وسى ميسسيا قىزمەتكەرلەرىنىڭ ءبىر بولىگىن ۋاقىتشا ورنالاستىرۋدىڭ ءارتۇرلى نۇسقالارىن قاراستىردى. الماتىنىڭ پايداسىنا شەشىم قابىلداۋ ءتۇرلى فاكتورلارعا بايلانىستى بولدى. ونىڭ ىشىندە ءبىزدىڭ وڭتۇستىك استانامىز قارجىلىق جانە ىسكەرلىك بەلسەندىلىكتىڭ ءىرى وڭىرلىك ورتالىعى، دامىعان ينفراقۇرىلىمى، سونداي - اق الەمنىڭ باسقا ەلدەرىمەن ىڭعايلى اۋە قاتىناسى بار»، - دەدى س ءى م وكىلى.
«ءبىز ب ۇ ۇ- نىڭ اۋعانستانعا كومەك كورسەتۋ جونىندەگى ميسسياسىنىڭ ءرولىن جوعارى باعالايمىز. مەملەكەت باسشىسىنىڭ تاپسىرماسى بويىنشا سىرتقى ىستەر مينيسترلىگى قۇزىرەتتى ورگاندارمەن جانە قىزمەتتەرمەن بىرلەسىپ قازاقستانداعى بۇۇ- نىڭ نەگىزگى كومانداسىمەن تىعىز ۇيلەستىرە وتىرىپ، رەيستى قابىلداۋ جانە ب ۇ ۇ وكىلدەرىن الماتىعا ۋاقىتشا ورنالاستىرۋ ماسەلەسىن جەدەل پىسىقتادى»، - دەدى اقان راحمەتۋللين ورتالىق كوممۋنيكاتسيالار قىزمەتىندە وتكەن بريفينگىدە.
ونىڭ ايتۋىنشا، كەلگەندەردىڭ ءبارى ۇيىمننىڭ حالىقارالىق قىزمەتكەرلەرى.
«ولاردىڭ قاتارىندا ب ۇ ۇ باس حاتشىسىنىڭ ارنايى وكىلى جانە اۋعانستانعا كومەك كورسەتۋ بويىنشا ب ۇ ۇ ميسسياسىنىڭ باسشىسى دەبورا ليونس حانىم بار. كەلگەن قىزمەتكەرلەردىڭ ءبىر بولىگى جاقىن ارادا ب ۇ ۇ- نىڭ باسقا ەلدەردەگى بولىمشەلەرىنە بارادى. ءبىراق ولاردىڭ باسىم كوپشىلىگى، شامامەن 100 ادام قازاقستاندا قالادى جانە الماتىدا UNAMA- نىڭ ۋاقىتشا قاشىقتاعى كەڭسەسىن قۇرادى. UNAMA- نىڭ قاشىقتان ىستەيتىن كەڭسەسىن ورنالاستىرۋ ازىرشە جارتى جىلعا جوسپارلانىپ وتىر جانە اۋعانستانداعى جاعدايدىڭ ودان ءارى دامۋىنا بايلانىستى ۇزارتىلۋى مۇمكىن»، - دەپ اتاپ ءوتتى سپيكەر.
ول قىزمەتكەرلەردىڭ تۇرۋى، كەڭسەنى جالعا الۋ جانە باسقا دا شىعىندار ب ۇ ۇ بيۋدجەتىنەن تولىق قارجىلاندىرىلاتىنىن اتاپ ءوتتى.
