قىتاي عارىشكەرلەرى اشىق عارىشقا شىقتى

بەيجىڭ. شينحۋا- قازاقپارات - نە حايشەن مەن ليۋ بومين جۇما كۇنى تاڭەرتەڭ «تيانحە» نەگىزگى مودۋلىنەن اشىق عارىشقا شىقتى، دەپ حابارلايدى قازاقپارات شينحۋا اگەنتتىگىنە سىلتەمە جاساپ.

بۇل قىتايلىق عارىش ستانساسى ەكيپاجى مۇشەلەرىنىڭ كەمەدەن تىس جۇمىستاردى ورىنداۋ اياسىندا ەكىنشى رەت مودۋلدەن شىعۋى، دەپ حابارلادى قىتاي عارىشكەرلەر باعدارلاماسىنىڭ كەڭسەسى. «تيانحە» نەگىزگى مودۋلىنىڭ تۇيىندىك بولىگىنىڭ ەسىگىن نە حايشەن 08:38-دە اشتى. «فەيتيان» (عارىشقا ۇشۋ) سكافاندرىن كيگەن عارىشكەرلەر مەحانيكالىق يىنتىرەكتە اياق بەكىتكىشتەردى جانە كەمەدەن تىس جۇمىس الاڭىن ورناتتى.

ۆەدومستۆودان ناقتىلاعانداي، ءارى قاراي ولار مەحانيكالىق قولدىڭ كومەگىمەن تاعى ءبىر كەمەدەن تىس قۇرىلعى ورناتۋ بويىنشا جۇمىستى جالعاستىرماق. ەكيپاجدىڭ ءۇشىنشى مۇشەسى تان حۋنبو ارىپتەستەرىنە كومەك كومەكتەسىپ وتىرۋ ءۇشىن «تيانحە» مودۋلىندە قالدى. بورتىندا ءۇش عارىشكەرى بار «شەنچجوۋ-12» كەمەسى «تيانحە» مودۋلىمەن 17- ماۋسىم كۇنى ءتۇيىستى. بۇدان ەرتەرەك، 4- ماۋسىم كۇنى ليۋ بومين مەن تان حۋنبو قىتاي عارىش ستانساسىن قۇرۋ اياسىنداعى كەمەدەن تىس جۇمىستىڭ ءبىرىنشى بولىگىن ءساتتى اياقتاعان بولاتىن.

اۆتور: ءبيبىحان سەرىكوۆا