قازاقستان اۋعان بوسقىندارىن قابىلداي ما – س ءى م جاۋابى

نۇر-سۇلتان. قازاقپارات - ەلىمىزدىڭ سىرتى ىستەر مينيسترلىگى «قازاقستان اۋعان بوسقىنداردى قابىلداۋى مۇمكىن» دەگەن سىبىسقا قاتىستى تۇسىنىكتەمە بەردى، دەپ حابارلايدى قازاقپارات ءتىلشىسى.

«Whats App مەسسەندجەرىندە تاراعان الماتى نەمەسە شىمكەنتكە اۋعان بوسقىندارى كەلەيىن دەپ جاتىر» دەگەن اقپارات شىندىققا جاناسپايدى. سوندىقتان دا ازاماتتاردى تەك رەسمي اقپاراتقا سۇيەنۋگە شاقىرامىز. رەسمي اقپاراتتى سىرتقى ىستەر مينيسترلىگىنەن نەمەسە جەرگىلىكتى اتقارۋشى ورگانداردان بىلۋگە بولادى»، - دەدى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ تىلشىلەردىڭ سۇراقتارىنا جاۋاپ بەرە تۇرىپ.

ونىڭ ايتۋىنشا، بۇگىندە ەلىمىزدە اۋعان بوسقىندارىن قابىلداۋ ماسەلەسى قارالىپ جاتقان جوق. «ەگەر قابىلداۋ تۋرالى اڭگىمە قوزعالعان جاعدايدىڭ وزىندە اۋعانستان اۋماعىندا رەسمي جۇمىس ىستەپ جاتقان ب ۇ ۇ قىزمەتكەرلەرىنە عانا قاتىستى. ونىڭ وزىندە قازاقستاننىڭ بيلىگىنە رەسمي ءوتىنىش بىلدىرگەن جاعدايدا»، - دەيدى ول.

بۇعان دەيىن ا. سمادياروۆ اۋعانستان اۋماعىندا قالىپ، ەلگە قايتقىسى كەلگەن قازاقستاندىقتاردىڭ قايدا حابارلاسۋى كەرەكتىگىن ايتتى. رەسمي وكىلدىڭ سوزىنە سەنسەك، اۋعانستانداعى قازاقستان ەلشىلىگى جانىنان ارنايى كوميسسيا قۇرىلدى.

ايتا كەتسەك، س ءى م-نىڭ مالىمەتىنشە مەملەكەت باسشىسى قاسىم- جومارت توقايەۆ اۋعانستانداعى قازاقتاردى تاريحي وتانىنا قايتارۋعا كومەك كورسەتۋدى تاپسىردى.