مينيستر قازاقستانداعى ەگىستىكتەردىڭ جاي- كۇيىنە قاتىستى پىكىر ءبىلدىردى

نۇر- سۇلتان. قازاقپارات - قۇرعاقشىلىققا بايلانىستى ءداندى داقىلدار ەگىستەرىنىڭ جاي- كۇيى ايتارلىقتاي ناشارلادى.

بۇل تۋرالى ۇكىمەت وتىرىسىندا ق ر اۋىل شارۋاشىلىعى ءمينيسترىنىڭ مىندەتىن اتقارۋشى ەربول قاراشوكەيەۆ ءمالىم ەتتى، دەپ حابارلايدى قازاقپارات ءتىلشىسى.

«اعىمداعى جىلى اۋىل شارۋاشىلىعى داقىلدارىنىڭ جالپى ەگىس الاڭى 23 ميلليون گەكتاردى قۇرادى (بۇل 2020 -جىلمەن سالىستىرعاندا 322 مىڭ گەكتارعا كوپ). ءداندى جانە ءداندى- بۇرشاقتى داقىلدار 15,9 ميلليون گا (ونىڭ ىشىندە بيداي - 12,9 ميلليون گا) ، مايلى داقىلدار - 3,1 ميلليون گا، كوكونىستەر مەن باقشا داقىلدارى جانە كارتوپ - 473,8 مىڭ گا، ماقتا - 109,7 مىڭ گا، قانت قىزىلشاسى - 21,7 مىڭ گا، مال ازىعى داقىلدارى 3,2 ملن گا الاڭدا ورنالاسقان»، - دەدى ە. قاراشوكەيەۆ.

ونىڭ ايتۋىنشا، ەگىس ناۋقانى ساپالى تۇقىمداردى قولدانا وتىرىپ، وڭتايلى مەرزىمدە جۇرگىزىلگەن. فەرمەرلەر تىڭايتقىشتاردى ۋاقىتىندا قولداندى، ەگىستىكتەردە ارامشوپتەر مەن اۋرۋلارعا قارسى حيميالىق وڭدەۋدى دەر كەزىندە جۇرگىزدى.

«سونىمەن قاتار، بيىلعى جىلى توپىراقتاعى جانە اتموسفەراداعى قالىپتان تىس قۇرعاقشىلىققا بايلانىستى ءداندى داقىلدار ەگىستەرىنىڭ جاي- كۇيى ايتارلىقتاي ناشارلادى جانە بۇل قازاقستاندا عانا بولىپ جاتقان جاعداي ەمەس. ەگىستىكتەردىڭ كۇيىنىڭ ناشارلاۋ تەندەنتسياسى بۇكىل الەمنىڭ استىق ەگەتىن كوپتەگەن ەلدەرىنە اسەر ەتتى. مىسالى، امەريكا قۇراما شتاتتارى اۋىل شارۋاشىلىعى مينيسترلىگىنىڭ جانە حالىقارالىق استىق كەڭەسىنىڭ مالىمەتى بويىنشا كانادادا بيدايدىڭ جالپى ءتۇسىمى وتكەن جىلمەن سالىستىرعاندا 31,6%- عا، اقش- تا 4,4%- عا، كورشىلەس رەسەيدە 15%- عا تومەندەۋى مۇمكىن»، - دەدى ءمينيستردىڭ مىندەتىن اتقارۋشى.

وبلىستار اكىمدىكتەرىنىڭ دەرەكتەرى بويىنشا بۇگىنگى تاڭدا ءداندى داقىلدار ەگىستىكتەرىنىڭ جاي- كۇيى بىلاي باعالانۋدا:

- 13,2 ميلليون گەكتاردا نەمەسە ءداندى داقىلداردىڭ جالپى ەگىس كولەمىنىڭ%85,2 ىندا جاقسى جانە قاناعاتتانارلىق كۇيدە؛

- 2,1 ميلليون گەكتاردا نەمەسە %13,7- ىندا ناشار كۇيدە؛

- 178,3 مىڭ گەكتاردا نەمەسە %1,1- ىندا ەگىستەر جويىلعان.