قۇرعاقشىلىقتان زارداپ شەككەن وڭىرلەردى قولداۋ قالاي ءجۇرىپ جاتىر

نۇر- سۇلتان. قازاقپارات - بۇگىن ۇكىمەت وتىرىسىندا ق ر اۋىل شارۋاشىلىعى ءمينيسترىنىڭ مىندەتىن اتقارۋشى ەربول قاراشوكەيەۆ ەلدەگى جەم- ءشوپ دايىنداۋ بارىسى جايىندا باياندادى، دەپ حابارلايدى قازاقپارات ءتىلشىسى.

«بيىلعى كليمات جاعدايى اۋىل شارۋاشىلىعى جانۋارلارىن ازىقپەن قامتاماسىز ەتۋ بەلگىلى ءبىر قيىندىق تۋعىزدى. جاعدايدى تۇزەتۋ ءۇشىن ۇكىمەت ناقتى جەدەل شارالار قابىلداپ جاتىر. جەم- ءشوپ دايىنداۋ ماسەلەلەرى بويىنشا جەرگىلىكتى جانە ورتالىق اتقارۋشى ورگانداردىڭ قىزمەتىن ۇيلەستىرۋ جونىندەگى رەسپۋبليكالىق جەدەل شتاب قۇرىلىپ، جۇمىس ىستەپ جاتىر. زارداپ شەككەن وڭىرلەرگە قارجىلاي كومەك كورسەتىلىپ جاتىر. ماسەلەن، قۇرعاقشىلىقتان ەڭ كوپ زارداپ شەككەن ماڭعىستاۋ جانە قىزىلوردا وبلىستارىنا جەم- ءشوپ ساتىپ الۋعا جۇمسالعان شىعىندارىن وتەۋگە ۇكىمەت رەزەرۆىنەن 3,8 ميلليارد تەڭگە ءبولىندى»، - دەدى ە. قاراشوكەيەۆ.

ونىڭ ايتۋىنشا، ماڭعىستاۋ وبلىسىنا مال ازىعىن دايىنداۋ ماقساتىندا قوسىمشا 5,3 ميلليارد تەڭگە ءبولۋ ماسەلەسى شەشىمىن تاپتى.

«سونىمەن قاتار، جەم- ءشوپ دايىنداۋ پروبلەمالارىن شەشۋگە جەرگىلىكتى بيۋدجەتتەن 9,1 ميلليارد تەڭگە ءبولىندى. قوسىمشا تاعى 4,5 ميلليارد تەڭگە ءبولۋ كۇتىلىپ وتىر. زارداپ شەككەن وڭىرلدەردىڭ اۋىل شارۋاشىلىعى تاۋارىن وندىرۋشىلەردىڭ نەسيەلەرى بويىنشا قارىزدارىن ۇزارتۋ جانە قايتا قاراۋ تۋرالى شەشىم جاسالىپ، وتىنىمدەردى قابىلداۋ باستالدى. وبلىستاردا ازىق دايىنداۋ كولەمىن بارىنشا ارتتىرۋ بويىنشا شارالار كەشەنى ىسكە اسىرىلىپ وتىر. وڭىرلەرگە مال ازىعىن دايىنداۋ ماقساتىندا قوسىمشا 43,1 مىڭ توننا ارزانداتىلعانديزەل وتىنى ءبولىندى»، - دەدى ءمينيستردىڭ مىندەتىن اتقارۋشى.