پرەزيدەنت پۋساندا قازاقستاننىڭ باس كونسۋلدىعىن اشۋ تۋرالى شەشىم قابىلدادى

سەۋل. قازاقپارات - پۋساندا قازاقستاننىڭ باس كونسۋلدىعى اشىلادى، دەپ حابارلايدى قازاقپارات پرەزيدەنتتىڭ باسپا ءسوز حاتشىسى بەرىك ۋاليگە سىلتەمە جاساپ.

«مەملەكەت باسشىسى قاسىم- جومارت توقايەۆ ەكى مەملەكەتتىڭ ىقپالداستىعىنا تىڭ سەرپىن بەرۋ ءۇشىن پۋساندا قازاقستاننىڭ باس كونسۋلدىعىن اشۋ تۋرالى شەشىم قابىلدانعانىن مالىمدەدى»، دەلىنگەن حابارلامادا.

ەسكە سالا كەتسەك، 16 -تامىزدا قازاقستان پرەزيدەنتى قاسىم- جومارت توقايەۆ كورەيا رەسپۋبليكاسىنا مەملەكەتتىك ساپارمەن باردى. قاسىم- جومارت توقايەۆ سول ەلدىڭ پرەزيدەنتى مۋن چجە ينمەن كەلىسسوز جۇرگىزدى. كەيىن ەكى ەلدىڭ پرەزيدەنتتەرى ب ا ق وكىلدەرى ءۇشىن بريفينگ وتكىزدى.

«قازاقستان كورەيامەن سەرىكتەستىكتى جان- جاقتى دامىتۋعا باسا ءمان بەرەدى. ءبىز ءوزارا ءتيىمدى ارىپتەستىكتى جوعارى باعالايمىز»، - دەدى قاسىم- جومارت توقايەۆ.

ق ر پرەزيدەنتى وڭتۇستىك كورەيانىڭ ءىرى كومپانيالارىنىڭ باسشىلارىمەن - «Samsung Electronics» كومپانياسىنىڭ پرەزيدەنتى ين ەنگ لي جانە «Doosan Heavy Industries Construction» پرەزيدەنتى ەنگ ينگ چونگپەن ەكىجاقتى كەزدەسۋلەر وتكىزدى.

سونداي- اق، مەملەكەت باسشىسى سەۋلداعى كيبەر ۋنيۆەرسيتەتتىڭ اۋماعىندا ورناتىلعان ۇلى اقىن اباي ءبيۋستىنىڭ اشىلۋ راسىمىنە قاتىستى.