قازاقستاندا ەپيدەميولوگيالىق احۋال ءالى كۇردەلى، تەك ءبىر عانا ءوڭىر «جاسىل» ايماقتا

نۇر-سۇلتان. قازاقپارات – ق ر ۇكىمەتى جانىنداعى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسياسى 17-تامىزداعى جاعداي بويىنشا قازاقستان وڭىرلەرىندەگى ەپيدەميولوگيالىق احۋالدى باعالاۋ ماتريتساسىن جاريالادى.

ماتريتسا كورسەتكىشتەرى قازاقستاندا ەپيدەميولوگيالىق احۋالدىڭ ءالى كۇردەلى ەكەنىن كورسەتەدى. ەلدە تەك ءبىر عانا ءوڭىر - تۇركىستان وبلىسى عانا «جاسىل» ايماقتا تۇر. قالعان وڭىرلەردىڭ بارلىعى «قىزىل» ايماقتا. «قىزىل» ايماقتا: نۇر-سۇلتان، الماتى، شىمكەنت قالالارى، اقمولا، اقتوبە، الماتى، اتىراۋ، باتىس قازاقستان، جامبىل، قاراعاندى، قوستاناي، قىزىلوردا، ماڭعىستاۋ، پاۆلودار، سولتۇستىك قازاقستان جانە شىعىس قازاقستان وبلىستارى.

«جاسىل» ايماقتا: تۇركىستان وبلىسى.