قازاقستاننىڭ ەكى تىكۇشاعى تۇركيانىڭ وڭتۇستىك- باتىسىندا ورمان ورتتەرىن سوندىرۋگە قاتىسۋدا

نۇر- سۇلتان. قازاقپارات - بۇگىن قازاقستاننىڭ ەكى تىكۇشاعى تۇركيانىڭ وڭتۇستىك- باتىسىندا ورمان ورتتەرىن سوندىرۋگە كىرىستى، دەپ حابارلايدى قازاقپارات.

اۋە كەمەلەرى مەن كاسىبي دايىندالعان ەكيپاج جالپى 45 سيكلدان تۇراتىن 180 توننا سۋدى ءورت وشاقتارىنا تاستادى. قازاقستان بورتتارى اۋەدە 10 ساعاتتان استام ۋاقىت ۇشىپ ءوتتى. بۇل تۋرالى ق ر ت ج م رەسمي وكىلى تالعات ءۋالي مالىمدەدى.

قازاقستاننىڭ اۋە كەمەلەرى دالامان قالاسىنىڭ ىرگەلەس اۋماعىنىڭ وتپەن باقىلانبايتىن ۋچاسكەسىندە شوعىرلانعان. ءورت ءسوندىرۋ جۇمىستارى جالعاسۋدا جانە ەرتەڭ تاڭ اتا قايتا باستالادى.

ەستەرىڭىزگە سالا كەتەيىك، قازاقستان پرەزيدەنتى قاسىم- جومارت توقايەۆتىڭ تاپسىرماسى بويىنشا تۇرىك حالقىنا باۋىرلاستىق جانە گۋمانيتارلىق كومەك كورسەتۋ اياسىندا ق ر ت ج م كۇشتەرى جىبەرىلدى

«11-تامىزدا قازاقستان رەسپۋبليكاسى توتەنشە جاعدايلار مينيسترلىگىنىڭ قۇرامىندا 16 قۇتقارۋشى جانە قازاقستاندا قۇراستىرىلعان مي-8 ا م ت 2 تىكۇشاعىمەن اۋا رايىنىڭ قولايسىزدىعىنا قاراماستان، كاسپي تەڭىزىنەن جانە كاۆكاز تاۋلارىنان ۇشىپ ءوتىپ، دالامان قالاسىندا ورمان ورتتەرىن ءسوندىرۋ بويىنشا قۇتقارۋ جۇمىستارىنا كىرىستى»، - دەلىنگەن حابارلامادا.