اقمولا پوليتسياسى ءىرى كولەمدە الاياقتىق جاساعان ايەلدى ىزدەستىرۋدە

كوكشەتاۋ. قازاقپارات - اقمولا پوليتسياسى ءىرى كولەمدە الاياقتىق قىلمىس جاساعان ايەلدى ىزدەۋدە، دەپ حابارلايدى قازاقپارات ءتىلشىسى وبلىستىق پ د باسپا ءسوز قىزمەتىنە سىلتەمە جاساپ.

ۆەدومستۆونىڭ مالىمەتىنشە، 06.05.1976 -جىلعى ايسۇلۋ ءسابيت قىزى سەكسەمبايەۆا سولتۇستىك قازاقستان وبلىسى ەسپەرلى اۋىلىنىڭ تۋماسى. بويى 165-170 سانتيمەتر، دەنە ءبىتىمى تولىقشا كەلگەن، بەت الپەتى اقشىل، سوپاق، كوزدەرى ۇلكەن، جاسىل ءتۇستى، تىك مۇرىندى، شاشى قارا، يىعىنا تۇسكەن.

«ايسۇلۋ ءسابيت قىزى سەكسەمبايەۆا ءىرى كولىمدەگى الاياقتىق قىلمىس جاساعانى ءۇشىن (قىلمىستىق كودەكستىڭ 190-بابىنىڭ 4- ءبولىمى بويىنشا) ىزدەستىرىلۋدە. بۇلتارپاۋ «قاماۋدا ۇستاۋ» شاراسى تاڭدالىپ وتىر»، - دەدى ۆەدومستۆودان.

وسى رەتتە، پوليتسيا قىزمەتكەرلەرى ىزدەۋدە جۇرگەن قىلمىسكەر بويىنشا قانداي دا ءبىر اقپارات بولعان جاعدايدا 87071198719، 87761106565، نەمەسە 102 تەلەفون نومىرىنە حابارلاسۋدى سۇرايدى.

اۆتور: اسلان وسپانوۆ