قاسىم- جومارت توقايەۆ ۇلتتىق بانك ءتوراعاسى ەربولات دوسايەۆتىڭ ەسەبىن تىڭدادى
ۇلتتىق بانك ءتوراعاسى پرەزيدەنتكە كوروناۆيرۋستىڭ جاڭا تولقىنىنىڭ تارالۋىنا بايلانىستى حالىقارالىق ۆاليۋتا قورىنىڭ الەمدىك ەكونوميكانى قالپىنا كەلتىرۋ قارقىنى مەن قارجى نارىقتارىن تۇزەتۋگە قاتىستى بولجامداردى قايتا قاراعانى جونىندە اقپارات بەردى. اڭگىمەلەسۋ بارىسىندا الەمدىك ەكونوميكانى قالپىنا كەلتىرۋدە ينفلياتسيا مەن ينفلياتسيالىق بولجامدار باستى كەدەرگى ەكەنى اتاپ ءوتىلدى. مەملەكەت باسشىسىنا ەلىمىزدەگى ينفلياتسيانىڭ جىلدام ءوسۋ سەبەبى (2021 -جىلعى شىلدەدەگى قورىتىندى بويىنشا - %8,4) جانە ينفلياتسيانى تۇراقتاندىرۋ ماقساتىندا ۇلتتىق بانكتىڭ بازالىق مولشەرلەمەنى %9,25 عا دەيىن كوتەرۋ تۋرالى شەشىمى جونىندە مالىمەت بەرىلدى.
ەربولات دوسايەۆ كارانتيندىك شەكتەۋلەر كەزىندە ىسكەرلىك بەلسەندىلىكتى بىرتىندەپ قالپىنا كەلتىرۋ، ۇلتتىق بانكتىڭ التىن- ۆاليۋتا قورى مەن ۇلتتىق قورداعى قاراجاتتىڭ جاعدايى، سونداي- اق، زەينەتاقى اكتيۆتەرى ءوسىمىنىڭ وڭ ديناميكاسى تۋرالى دا باياندادى. پرەزيدەنتكە تولەم بالانسىنىڭ اعىمداعى شوتى تۋرالى ايتىلدى.
الدىن الا مالىمەتتەرگە قاراعاندا، ءبىرىنشى جارتىجىلدىقتا ەكونوميكالىق بەلسەندىلىكتىڭ ارتۋى مەن تۇتىنۋشىلىق يمپورتتىڭ ءوسۋى سالدارىنان 1,7 ميلليارد ا ق ش دوللارى كولەمىندە تاپشىلىق قالىپتاسقان.
اڭگىمەلەسۋ سوڭىندا قاسىم- جومارت توقايەۆ ۇلتتىق قوردىڭ اكتيۆتەرىن ساقتاۋعا جانە ارتتىرۋعا ەرەكشە نازار اۋدارىپ، ۇكىمەتپەن بىرلەسىپ ينفلياتسيانى تۇراقتاندىرۋ بويىنشا ءتيىمدى شارالار قابىلداۋدى تاپسىردى.
