ءبىلىم بەرۋدىڭ ءداستۇرلى فورماتىنا ورالۋ شەشىمى قابىلداندى - اسقار مامين
بۇل تۋرالى ۇكىمەت وتىرىسىندا ق ر پرەمەر-ءمينيسترى اسقار مامين ايتتى، دەپ حابارلايدى قازاقپارات ءتىلشىسى.
«بۇگىن وتە ماڭىزدى ماسەلەنى قاراستىرىپ وتىرمىز. ول قازىر ءاربىر وتباسىنى، بارلىق وقۋشىلار مەن ستۋدەنتتەردى الاڭداتىپ وتىر. بيىلعى وقۋ جىلى دەنساۋلىق ساقتاۋ جۇيەسىنىڭ ازىرلىگى اناعۇرلىم جاقسى ءارى حالىقتى جاپپاي ۆاكسينالاۋ جاعدايىندا باستالعالى وتىر. ۆاكسينا العان پەداگوگتەر جۇمىسقا كىرىسەدى»، - دەدى ۇكىمەت باسشىسى.
پرەمەر-مينيستر ءبىلىم بەرۋدى ۇيىمداستىرۋدىڭ نەعۇرلىم قاۋىپسىز جۇيەسى ماسەلەسى پىسىقتالىپ جاتقانىن دا باسا ايتتى.
«سوندىقتان ءبىلىم بەرۋدىڭ ءداستۇرلى فورماتىنا ورالۋ تۋرالى شەشىم قابىلداندى. وسىعان وراي وقۋشىلار مەن پەداگوگتەردىڭ قاۋىپسىزدىگى مەن دەنساۋلىعىن ساقتاۋدى قامتاماسىز ەتۋ بويىنشا ۇيىمداستىرۋشىلىق ماسەلەلەردى بارىنشا تەزدەتىپ شەشۋ قاجەت»، - دەدى اسقار مامين.
ايتا كەتەيىك، بۇگىن ۇكىمەت وتىرىسىندا سونداي-اق ءبىلىم ءمينيسترى اسحات ايماعامبەتوۆ مەكتەپتەردە وقۋ پروتسەسى «1-سىنىپ - 1 كابينەت» فورماتىندا ۇيىمداستىرىلاتىنىن ايتتى.
