الماتىعا قىتايلىق ۆاكسينانىڭ العاشقى پارتياسى جەتكىزىلدى

الماتى. قازاقپارات - الماتىعا قىتايلىق Vero Cell ۆاكسيناسىنىڭ ءبىرىنشى پارتياسى جەتكىزىلدى. بۇل تۋرالى Air Astana باسپا ءسوز قىزمەتىنەن ءمالىم بولدى، دەپ حابارلايدى قازاقپارات.

«Air Astana اۋە كومپانياسى بەيجىڭنەن تىكەلەي Sinopharm كومپانيسىنىڭ Vero Cell ۆاكسيناسىن جەتكىزدى. ءبىر ميلليون دوزانى جەتكىزۋ ق ر دەنساۋلىق ساقتاۋ مينيسترلىگى «س ق- فارماتسيا» تاپسىرىسى بويىنشا ەكى رەيسپەن ىسكە اسىرىلادى»، - دەلىنگەن حابارلامادا.

ءبىرىنشى رەيس الماتىعا بۇگىن ساعات 12:30-دا جەتتى. ال ەكىنشى رەيس 11- تامىزدا ساعات 13:20-عا جوسپارلانىپ وتىر. جالپى سالماعى 20 توننا بولاتىن مەديتسينالىق جۇك تەرمو- كونتەينەرلەردە تاسىمالدانىپ، 2-دەن 8 گرادۋسقا دەيىنگى تەمپەراتۋرالىق رەجيم ساقتالادى.

بۇدان بۇرىن حابارلانعانداي، ق ر دەنساۋلىق ساقتاۋ ءمينيسترى الەكسەي سوي ءبىر اپتا ىشىندە ەلىمىزگە تاعى ءبىر ۆاكسينا جەتكىزىلەتىنىن ايتقان ەدى.

اۆتور: رۋسلان عابباسوۆ