الەكسەي سوي قازاقستاندا كوروناۆيرۋسقا قارسى ۆاكسينانى قايتالاپ ەگۋدىڭ مەرزىمىن اتادى
بۇل جايىندا Coronavirus2020.kz Telegram-كانالىنداعى ۆيدەودا جاريالاندى، دەپ حابارلايدى قازاقپارات ءتىلشىسى.
«بىزدە رەۆاكسينالاۋ جوسپارلانىپ وتىر. قازىرگى كەزدە ءتيىستى قادامداردى ايقىنداپ جاتىرمىز. رەۆاكسيناتسيانىڭ ەكى ءتۇرى بولادى. ۇجىمدىق يممۋنيتەتتى جالپى 60-70 پايىزعا جەتكىزگەنگە دەيىنگى شۇعىل ەكپە بار. سونىمەن قاتار، جوسپارلى رەۆاكسيناتسيا ەسكەرىلگەن. ول جىلىنا ءبىر رەت بولادى. قازىرگى كەزدە ءبىز مەرزىمدى پىسىقتاپ جاتىرمىز، سەبەبى قازاقستاندا ۆاكسينالاۋ اقپان ايىنان باستاپ جۇرگىزىلدى. ادامداردىڭ باسىم بولىگى ماۋسىم-شىلدە كەزەڭىندە ەكپە الدى. وسى ورايدا ولاردىڭ اعزاسىنداعى انتيدەنەلەر ءالى دە بار، ونىڭ دەڭگەيى دە جوعارى. سوندىقتان ەكىنشى دوزانى العاننان سوڭ شامامەن 9 ايدان كەيىن كۇنتىزبەگە ەنگىزىلەدى. قازىرگى كەزدە ارىپتەستەرمەن وسى ماسەلەنى قاراستىرىپ وتىرمىز»، - دەدى ا. سوي.
اۆتور: رۋسلان عابباسوۆ
