الەمنىڭ ۇزدىك اۋەجايلارى انىقتالدى

نۇر-سۇلتان.قازاقپارات - 2021 -جىلدىڭ ەڭ ۇزدىك 100 اۋەجايى رەيتينگى جاريالاندى، - دەپ حابارلايدى Infodk.kz worldairportawards.com سايتىنا سىلتەمە جاساپ.
None
None

بريتانيالىق Skytrax جەكە كونسالتينگ كومپانياسى رەيتينگتى 100 ەلدىڭ جولاۋشىلارى اراسىندا جۇرگىزىلگەن ساۋالناما نەگىزىندە 500 اۋەجايعا باعا بەردى. الەمدەگى ۇزدىك اۋەجايلاردى انىقتاۋ كەزىندە ينفراقۇرىلىم، كەزەك، قىزمەت كورسەتۋ جانە جولاۋشىلارعا قىزمەتكەرلەردىڭ قاتىناسى ەسكەرىلدى.

ءبىرىنشى ورىندى دوحاداعى «حاماد» حالىقارالىق اۋەجايى (كاتار) ، ەكىنشى ورىندى توكيوداعى «حانەدا» اۋەجايى (جاپونيا) ، ءۇشىنشى ورىندى سينگاپۋردىڭ «چانگي» اۋەجايى، ءتورتىنشى ورىندى وڭتۇستىك كورەياداعى حالىقارالىق اۋەجاي «ينچحون» يەلەندى. ۇزدىك بەستىكتى ناريتا قالاسىنداعى جاپون حالىقارالىق اۋەجايى قورىتىندىلادى.

حاماد حالىقارالىق اۋەجايى - 1-ورىن. سۋرەت www.facebook.com/HIAQatar سايتىنان

التىنشى ورىندى ميۋنحەندەگى «فرانتس - يوزەف شتراۋس» اۋەجايى (گەرمانيا) ، ال جەتىنشى ورىندى «تسيۋريح» اۋەجايى (شۆەيتساريا) يەلەندى. سونىمەن بىرگە «فرانس- يوزەف شتراۋس» ەۋروپاداعى ەڭ ۇزدىك اۋەجاي دەپ تانىلدى.

توكيوداعى حانەدا اۋەجايىنداعى تەرمينال - 2 - ورىن. فوتو @ Shutterstock

لوندونداعى «حيتروۋ» حالىقارالىق اۋەجايى 20-25 ميلليون جولاۋشىلار ساناتىنداعى الەمدەگى ەڭ ۇزدىك اۋەجاي دەپ تانىلدى جانە ۇزدىكتەردىڭ رەيتينگىندە سەگىزىنشى ورىنعا يە بولدى.

وڭتۇستىك كورەياداعى ينچحون حالىقارالىق اۋەجايى – 3-ورىن. فوتو @ Shutterstock

جاپونيانىڭ تاعى ءبىر اۋە ايلاعى - وساكا قالاسىنىڭ ماڭىنداعى «كانساي» توعىزىنشى ورىندى يەلەندى. قىتايداعى «گونكونگ» اۋەجايى توپ وندىققا ەندى. ول قىتايداعى ۇزدىك اۋەجاي دەپ تانىلدى.

سينگاپۋر چانگي حالىقارالىق اۋەجايى - 4-ورىن. فوتو @ Shutterstock

بىلتىرعى رەيتينگتە 102-ورىننان 2021 -جىلعى تىزىمدە 17-ورىنعا كوتەرىلگەن «ىستامبۇل» اۋەجايىن اتاپ وتكەن ءجون. بۇل اۋە ايلاعى الەمدەگى ەڭ وزىق اۋەجاي دەپ تانىلدى.

ت م د ەلدەرىنىڭ العاشقى جۇزدىگىنە باكۋ اۋەجايى كىرەدى (51- ورىن) ، ماسكەۋدەگى «شەرەمەتيەۆو» (57-ورىن) جانە «ەكاتەرينبۋرگ» اۋە ايلاعى (100-ورىن).

massaget.kz

سوڭعى جاڭالىقتار