اقتوبەدە اكەسى بالاسىن كولىگىمەن قاعىپ كەتتى

اقتوبە. قازاقپارات - اقتوبەدە ءبىر جاسار بالا كولىك استىنا ءتۇسىپ قالدى. قازىر ول اۋرۋحانادا جاتىر، دەپ حابارلايدى قازاقپارات ءتىلشىسى.

قالاداعى باۋ- باقشا ۇجىمدارىنىڭ بىرىندە جازاتايىم وقيعا تىركەلدى. اكەسى بالاسىن كولىگىمەن قاعىپ كەتتى.

«48 جاستاعى اقتوبەلىك ءوز ءۇيىنىڭ اۋلاسىندا تۇرعان «Opel Astra» اۆتوكولىگىن ايداپ، 2020- جىلى تۋعان بالانى قاعىپ كەتتى. جول- كولىك وقيعاسى سالدارىنان بالا باس- مي جاراقاتىن الدى. شۇعىل تۇردە وبلىستىق بالالار كلينيكالىق اۋرۋحاناسىنا جاتقىزىلدى. اقتوبە وبلىستىق پوليتسيا دەپارتامەنتى جولدا، اسىرەسە اۋلادا قىراعى بولۋدى سۇرايدى. كولىكتىڭ ارتىندا ەشقانداي كەدەرگى جوق ەكەنىنە كوز جەتكىزۋ كەرەك. سونداي- اق، كامەلەتكە تولماعان بالالاردى كولىك جۇرەتىن جولدا ويناتپاڭىز»، - دەدى وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.

اۆتور: التىناي ساعىندىقوۆا