توكيودا پوليتسيا پويىز جولاۋشىلارىنا شابۋىل جاساعان ەر ادامدى ۇستادى
شابۋىل جاساعان جاس جىگىتتىڭ جەرگىلىكتى تاۋلىك بويى جۇمىس ىستەيتىن دۇكەندەردىڭ بىرىندە ۇستالعانى حابارلاندى. ەر ادامنىڭ ءوزى دۇكەن قىزمەتكەرىنە پويىزعا شابۋىل جاساعانىن ايتقان، ارتىنشا سۋپەرماركەت قىزمەتكەرى پوليتسيا شاقىرعان.
بۇعان دەيىن حابارلانعانداي، توكيونىڭ سەتاگايا اۋدانىندا «وداكيۋ» تەمىرجول تارماعىندا پويىز جولاۋشىلارىنىڭ ءبىرى كەنەتتەن پىشاق الىپ شىعىپ كورىنگەنگە سىلتەي باستاعان، ارتىنشا ايالدامالاردىڭ بىرىندە جۇگىرگەن كۇيى پويىزدان شىعىپ كەتكەن.
سوڭعى مالىمەتتەر بويىنشا، وقيعا سالدارىنان بارلىعى 10 ادام زارداپ شەككەن، كەيبىرەۋلەرى پىشاق جاراقاتىن العان، ال كەيبىرەۋلەرى شابۋىلداۋشىدان قاشقان كەزدە قۇلاپ جاراقاتتانعان. بارلىعى توعىز ادام اۋرۋحاناعا جەتكىزىلدى. زارداپ شەككەندەردىڭ ەشقايسىسىنىڭ ومىرىنە قاۋىپ ءتونىپ تۇرعان جوق. ناقتىلانعان مالىمەتتەر بويىنشا، ءبىر ايەل اۋىر جاراقات العان، ەس- ءتۇسسىز حالدە جاتىر.
پويىزدىڭ بارلىق جولاۋشىسى ەۆاكۋاتسيالاندى، وسى باعىتتا قوزعالىس ۋاقىتشا توقتاتىلدى. قازىرگى ۋاقىتتا پوليتسيا وقيعانىڭ ءمان- جايىن انىقتاۋدى جالعاستىرۋدا. پويىزدىڭ وزىنەن شابۋىلداۋشى لاقتىرعان پىشاق جانە ونىڭ ءتۇسىرىپ العان ۇيالى تەلەفونى تابىلدى.
اۆتور: اياۋلىم التىنبەك
