09:22, 06 - تامىز 2021 | GMT +5
بالۋان داۋلەت نيازبەكوۆ وليمپيادا ويىندارىندا قارسىلاسىن ءىرى ەسەپپەن جەڭدى
توكيو. قازاقپارات - ەركىن كۇرەستەن قازاقستاندىق بالۋان داۋلەت نيازبەكوۆ وليمپيادا ويىندارىن ءساتتى باستادى، دەپ حابارلايدى قازاقپارات Olympic.kz-كە سىلتەمە جاساپ.
قازاقستاندىق بالۋان 1/8 فينالىندا كۋبالىق الەم چەمپيوناتىنىڭ ەكى دۇركىن قولا جۇلدەگەرى كۋبالىق الەحاندرو ۆالدەسپەن كەزدەستى. ەكەۋارا كەزدەسۋ 21:11 ەسەبىمەن قازاقستاندىق بالۋاننىڭ ەنشىسىنە شەشىلدى.
بەلدەسۋدىڭ باسىم بولىگىن كۋبالىق بالۋان 9:2 ەسەبىمەن جەڭىپ تۇرعاندا داۋلەت نيازبەكوۆ ۇزدىكسىز ناتيجەلى ءادىس جاساپ بەلدەسۋ اياقتالعانشا 21 ۇپاي ەنشىلەدى. ەرەجەگە سايكەس، ۇپاي ايىرماشىلىعى 10 ۇپاي بولعاندىقتان داۋلەت نيازبەكوۆكە ۋاقىتىنان بۇرىن تەحنيكالىق جەڭىس بەرىلدى.
