ءبىلىم گرانتىنا قالاي ءوتىنىم بەرىپ، قۇجات تاپسىرۋعا بولادى - ۆيدەو
نۇسقاۋلىق مينيسترلىكتىڭ Youtube پاراقشاسىندا جاريالانعان.
ەسكە سالا كەتەيىك، بۇعان دەيىن ءبىز قازاقستاندا ءبىلىم گرانتىن تاعايىنداۋ كونكۋرسىنا قاتىسۋ ءۇشىن قۇجات قابىلداۋ 16-شىلدە، ياعني كەشە باستالاتىنىن حابارلاعان ەدىك. قابىلداۋ ەلەكتروندى فورماتتا جۇزەگە اسىرىلادى. تالاپكەرلەر مەن ولاردىڭ اتا-اناسىنىڭ دەنساۋلىعىن قورعاۋ ماقساتىندا جوعارى وقۋ ورىندارىندا ۆيرتۋالدى قابىلداۋ كوميسسيالارى جۇمىس ىستەپ، تالاپكەرلەرگە بەينەبايلانىس ارقىلى كەڭەس بەرەدى. وقۋعا تۇسۋشىلەر 6-مامىر مەن 1-شىلدە ارالىعىندا وتكەن ۇ ب ت- نىڭ ەكى ناتيجەسىنىڭ بىرەۋىن كونكۋرسقا ۇسىنا الادى. ءوتىنىش بەرگەن كەزدە تالاپكەرلەر اتتەستات، اتتەستاتقا قوسىمشانىڭ ەلەكتروندىق كوشىرمەلەرىن جانە ەلەكتروندىق قۇجات نىسانىنداعى كولەمى 3×4 تسيفرلىق فوتوسۋرەتتى، سونداي-اق باسقا دا قۇجاتتاردىڭ كوشىرمەسىن قوسا تاپسىرۋى قاجەت. سونىمەن قاتار بيىل ءبىلىم گرانتتارىن ءبولۋ كەزىندە ب ع م العاش رەت حالىقتىڭ الەۋمەتتىك وسال توپتارىنا كۆوتا ءبولدى.
