جانساقتاۋ بولىمىنە تەك ۆاكسينا الماعان قاراعاندىلىقتار ءتۇسىپ جاتىر
جانساقتاۋ بولىمىندە 84 قاراعاندىلىق بار، 15 ناۋقاس ءو ج ج اپپاراتىنا قوسىلعان، دەپ حابارلايدى قازاقپارات ءتىلشىسى.
سونىمەن قاتار، دارىگەرلەر ۆاكسينا العان ادامدار دا ۆيرۋس جۇقتىرۋى مۇمكىن ەكەنىن جوققا شىعارمايدى، ءبىراق اۋرۋ جەڭىل تۇردە وتەدى. بۇل نەگىزىنەن COVID-19 ۆاكسيناسىنىڭ العاشقى كومپونەنتىن العاننان كەيىن پايدا بولادى.
«يممۋنيتەت قالىپتاسىپ ۇلگەرمەيدى. ەكىنشى كومپونەنت قوسىلعان كەزدە يممۋنيتەت ءبىر ايدان كەيىن پايدا بولادى. سونىمەن قاتار، ۆاكسينا الۋ كەزىندە ادامدار ۆيرۋس تاسىمالداۋشىسى بولعانى دا ابدەن مۇمكىن. سيمپتومسىز اعىمعا بايلانىستى ولاردا كلينيكالىق كورىنىستەر بايقالماۋى مۇمكىن. ءبىراق ۆاكسيناتسيالانعان ادامدار كوروناۆيرۋسقا وڭاي توزەدى. بۇل ادامدار امبۋلاتوريالىق نەگىزدە ەمدەلەدى. يممۋنيتەت اگرەسسيۆتى بولا تۇسكەن ۆيرۋسقا قارسى تۇرادى. بۇرىن ءبىر ناۋقاستان ۆيرۋستى 2-3 ادام جۇقتىراتىن. قازىر 7 ادامعا دەيىن. ينكۋباتسيالىق كەزەڭ قىسقارادى. قاراپايىم سوزبەن ايتقاندا، ۆيرۋس تەز كوبەيىپ، تەز تارالادى»، - دەپ ءتۇسىندىردى قاراعاندى وبلىسى دەنساۋلىق ساقتاۋ باسقارماسىنىڭ باسشىسى گامال توقسامبايەۆ.
60 جاستان اسقان ادامدار ينفەكتسياعا ءجيى ۇشىرايدى. ءبىراق سوڭعى اپتالاردا جاستار اراسىندا جۇقتىۋ كورسەتكىشىنىڭ ءوسۋى بايقالادى. دارىگەرلەر مۇنى ۆيرۋستىڭ جوعارى كونتسەنتراتسياسىمەن، سونداي- اق جاڭا شتاممنىڭ پايدا بولۋىمەن بايلانىستىرادى. «دەلتا» ءۇندى شتامى كلينيكاسىن وزگەرتتى. قازىر جاستار مەن بالالار ءجيى اۋىرا باستادى. بۇل مۋتاتسياعا بايلانىستى. جاڭا بەلگىلەر پايدا بولدى - ديارەيا، قۇسۋ. ەنتەروۆيرۋستىڭ كورىنىستەرى دەپ اتالادى. ياعني، تىنىس الۋ مۇشەلەرى عانا ەمەس، اسقازان- ىشەك جولدارىنا دا اسەر ەتەدى. جاستار ۆاكسينا الۋعا اسىقپايدى جانە ەمدەۋگە كوبىنە نەمقۇرايلى قارايدى. ولار ءوزىن- ءوزى ەمدەي باستايدى جانە اۋراحاناعا وكپەسى % 40-50 زاقىمدانعان كەزدە اۋىر حالدە تۇسەدى. اۋرۋحانالاردا باستالعان ەمگە قاراماستان، پروتسەستى بىردەن توقتاتۋ مۇمكىن ەمەس. العاشقى ەكى كۇندە زاقىمدانۋ % 80-90 دەيىن جەتۋى مۇمكىن»، - دەيدى گامال توقسامبايەۆ.
دەرتتەن اۋلاق بولۋدىڭ جالعىز عانا ءتاسىلى - ۆاكسيناتسيا. ول ءتىپتى تەز مۋتاتسيالانعان كوروناۆيرۋستان دا قورعايدى.
اۆتور: اگاتا مۋحامەدجانوۆا
