پرەزيدەنت يگەرىلمەي جاتقان جايىلىمدىق جەرلەردى اۋىل تۇرعىندارىنا قايتارىپ بەرۋدى تاپسىردى
«جايىلىم ماسەلەسىنە توقتالايىن. جالپى، بۇل وتە كۇردەلى ماسەلە بولىپ تۇر. نەگىزگى سەبەپ - اكىمدىكتەر تاراپىنان ءتيىستى باقىلاۋدىڭ بولماۋى. قازىر مال جايۋ ءۇشىن 29 ميلليون گەكتار جەر قاجەت. سوعان قاراماستان شارۋا قوجالىقتارى 33 ميلليون گەكتار جەردى پايدالانباي وتىر. اۋىلدىق وكرۋگتەردىڭ 80 پايىزىندا جايىلىمدىق جەر تاپشى»، - دەدى ق ر پرەزيدەنتى ۇكىمەتتىڭ كەڭەيتىلگەن وتىرىسى بارىسىندا.
مەملەكەت باسشىسىنىڭ اتاپ وتۋىنشە، بۇل اسىرەسە تۇركىستان، الماتى، قىزىلوردا وبلىستارىندا ايقىن سەزىلىپ وتىر.
«ۇكىمەت پەن وبلىس اكىمدەرى پروكۋراتۋرا ورگاندارىمەن بىرلەسىپ، يگەرىلمەي جاتقان جايىلىمدىق جەرلەردى اۋىل تۇرعىندارىنا قايتارىپ بەرۋ ءىسىن قولعا الۋى كەرەك. وسىعان باسا ءمان بەرگەن ءجون. ۇكىمەت عارىشتان مونيتورينگ جۇرگىزۋ ءتاسىلىن جەتىلدىرىپ، ونىڭ اۋقىمىن كەڭەيتۋى كەرەك. وسى ماڭىزدى جۇمىستى پرەزيدەنتتىڭ تاپسىرماسىمەن عانا ەمەس، تۇراقتى تۇردە اتقارۋ كەرەك»، - دەدى قاسىم- جومارت توقايەۆ.
اۆتور: مارلان جيەمباي
