10:52, 10 - شىلدە 2021 | GMT +5
پرەزيدەنت توراعالىعىمەن ۇكىمەتتىڭ كەڭەيتىلگەن وتىرىسى وتۋدە
نۇر- سۇلتان. قازاقپارات - مەملەكەت باسشىسى قاسىم- جومارت توقايەۆتىڭ توراعالىعىمەن ۇكىمەتتىڭ كەڭەيتىلگەن وتىرىسى باستالدى، دەپ حابارلايدى قازاقپارات ءتىلشىسى.
بەينەبايلانىس رەجيمىندە ءوتىپ جاتقان ەل ۇكىمەتىنىڭ كەڭەيتىلگەن وتىرىسىنا مينيسترلەر كابينەتىنىڭ بارلىق مۇشەلەرى، وبلىستاردىڭ، رەسپۋبليكالىق ماڭىزى بار نۇر- سۇلتان، الماتى، شىمكەنت قالالارىنىڭ اكىمدەرى قاتىسۋدا.
جيىن بارىسىندا ەلىمىزدىڭ بيىلعى جارتىجىلدىقتاعى الەۋمەتتىك- ەكونوميكالىق دامۋى قورىتىندىلانباق. سونداي- اق قازاقستان پرەزيدەنتى پاندەميادان كەيىنگى كەزەڭدەگى ەكونوميكانى دامىتۋدىڭ مىندەتتەرىن بەلگىلەپ بەرەدى دەپ كۇتىلۋدە.
ەستەرىڭىزگە سالا كەتسەك، بۇعان دەيىن مەملەكەت باسشىسى توراعالىعىمەن ۇكىمەتتىڭ كەڭەيتىلگەن وتىرىسى وسى جىلدىڭ 26 -قاڭتارىندا وتكەن بولاتىن. وندا ەلدىڭ الەۋمەتتىك- ەكونوميكالىق دامۋىنىڭ 2020 -جىلعى قورىتىندىلارى مەن الداعى جوسپارى تالقىلانعان ەدى.
اۆتور: مارلان جيەمباي
