داندىبايەۆ قازاقستاندا اسكەريلەردىڭ قانشا پايىزى ۆاكسينا العانىن ايتتى
«بۇگىندە قارۋلى كۇشتەر جەكە قۇرامىنىڭ 89 پايىزدان استامى ۆاكسينانىڭ ەكى كومپونەنتىن دە الدى. جالپى اسكەريلەر مەن ازاماتتىق پەرسونال وكىلدەرىنىڭ 98 پايىزى ەكپە العان. ياعني، تەك مەديتسينالىق قارسى كورسەتىلىمدەرى بار ادامدار عانا ەكپە العان جوق. شۇعىل قىزمەتتىڭ اسكەريلەرى 100 پايىز ۆاكسينا قابىلدادى. ونىڭ 93 پايىزى ەكى كومپونەنتتى دە الىپ ۇلگەردى»، - دەدى مينيسترلىك وكىلى. سونداي- اق، ول جەكە قۇرام اراسىندا ۆاكسيناتسيا بەلسەندى ۇيىمداستىرىلعاندىقتان ۇجىمدىق يممۋنيتەت قالىپتاسىپ، سونىڭ ارقاسىندا كوپتەگەن شەكتەۋلەر كۇشىن جويعانىن ايتتى.
«بۇعان دەيىن دە ايتقانىمىزداي، قاتارىمىزدا ۇجىمدىق يممۋنيتەت قالىپتاسقان. بۇل كوپتەگەن شەكتەۋدى الىپ تاستاۋعا مۇمكىندىك بەرىپ وتىر. سونىڭ ارقاسىندا جوسپارلانعان اسكەري دايىندىقتاردى جۇرگىزىپ، شارالاردى تولىق كولەمدە اتقارۋ مۇمكىن بولىپ وتىر»، - دەدى ءمينيستردىڭ ورىنابسارى.
