13:31, 09 - شىلدە 2021 | GMT +5
گولوۆكينگە «كانەلومەن» ايقاستىڭ ورنىنا باسقا ءۇش قارسىلاس تابىلدى
نۇر-سۇلتان. قازاقپارات - Boxingnews24.com جۋرناليسى مايكل مالاشچيك مەكسيكالىق ساۋل «كانەلو» الۆارەستىڭ ورنىنا قازاقستاندىق بوكسشى گەننادي گولوۆكين رينگتە كىممەن كەزدەسۋى مۇمكىن ەكەنىن ايتتى، دەپ حابارلايدى قازاقپارات Sports.kz سايتىنا سىلتەمە جاساپ.
«گولوۆكين ءۇشىن 160 فۋنتتا ۇلكەن ايقاستار بار: دجەرمالل چارلو جانە دەمەتريۋس اندرادە. سونىمەن قاتار ول ءوزىنىڭ جەڭىستەر تىزىمىنە حايمە مۋنگيانى دا قوسا الادى»، - دەدى اۆتور.
چارلو - WBC نۇسقاسى بويىنشا ورتا سالماقتاعى الەم چەمپيونى. اندرادە — WBO چەمپيونى.
گولوۆكينگە كەلەر بولساق، ول دا 160 فۋنتتاعى ەكى چەمپيوندىق بەلدىكتىڭ - IBF جانە IBO يەگەرى.
ازىرگە گەنناديدىڭ جوسپارىندا جەلتوقسانعا وتەتىن ريوتا مۋراتامەن بولاتىن جەكپە-جەك قانا.
