ەلجان ءبىرتانوۆقا قاتىستى سوتقا دەيىنگى تەرگەۋ اياقتالدى

نۇر-سۇلتان. قازاقپارات - قارجىلىق مونيتورينگ اگەنتتىگى بۇرىنعى دەنساۋلىق ساقتاۋ ءمينيسترى ەلجان ءبىرتانوۆ پەن ۆيتسە-مينيستر ولجاس ابىشەۆكە قاتىستى سوتقا دەيىنگى تەرگەۋدى اياقتادى، دەپ حابارلايدى قازاقپارات ق ر ق م ا باسپا ءسوز قىزمەتىنە سىلتەمە جاساپ.

ءبىرتانوۆ پەن ابىشەۆ دەنساۋلىق ساقتاۋ مينيسترلىگىنىڭ جارامسىز اقپاراتتاندىرۋ پلاتفورماسىن قابىلداۋ جانە پايدالانۋعا بەرۋ ارقىلى لاۋازىمدىق وكىلەتتىكتەرىن اسىرا پايدالاندى دەپ كۇدىكتەلۋدە.

پلاتفورما دەنساۋلىق ساقتاۋ جۇيەسىندەگى پروبلەمالاردى جەدەل شەشۋ ءۇشىن پاتسيەنتتەر، ءدارى-دارمەكتەر جانە مەديتسينالىق بۇيىمدار تۋرالى بارلىق اقپاراتتى بىرىكتىرۋى كەرەك ەدى.

بۇگىنگى تاڭدا پلاتفورما جۇمىس جاسامايدى جانە ونى مەديتسينالىق مەكەمەلەردىڭ پايدالانبايتىنى جينالعان دالەلدەرمەن راستالعان.

ورىندالماعان جۇمىستاردىڭ قۇنى 4,1 ميلليون ا ق ش دوللارىن نەمەسە 1,5 ميلليارد تەڭگەنى قۇرايدى. سونداي-اق، ەلجان ءبىرتانوۆ سانيتاريالىق اۆياتسيانىڭ اۋە كەمەسىن 2020-جىلعى ماۋسىمدا جەكە ماقساتتارى ءۇشىن وكىلەتتىكتەرىن اسىرا پايدالاندى دەپ كۇدىكتەلۋدە.

اعىمداعى جىلعى 7- شىلدەدە سوتقا دەيىنگى تەرگەپ-تەكسەرۋدىڭ اياقتالعانى تۋرالى جاريالانىپ، قىلمىستىق ءىس ماتەريالدارىمەن تانىسۋ باستالدى.

وزگە اقپارات ق ر ق پ ك- نىڭ 201-بابىنا سايكەس جاريا ەتۋگە جاتپايدى.