تانىمال رەجيسسەر ساتىبالدى نارىمبەتوۆ ومىردەن وزدى

الماتى. قازاقپارات - قازاقستاننىڭ ەڭبەك سىڭىرگەن قايراتكەرى، رەجيسسەر ساتىبالدى نارىمبەتوۆ 75 جاسىندا ومىردەن ءوتتى، دەپ حابارلايدى قازاقپارات ءتىلشىسى.

قارالى حاباردى مادەنيەت مينيسترلىگى راستادى. ساتىبالدى نارىمبەتوۆ 1946-جىلى 7- ناۋرىزدا تۇركىستان وبلىسى، تۇركىستان اۋدانى، اشىساي اۋىلىندا تۋعان.

ماسكەۋ قالاسىنداعى مەملەكەتتىك كينەماتوگرافيا ينستيتۋتىن بىتىرگەن. 1984-جىلى جوعارى رەجيسسەرلىك كۋرستى (گ. ن. دانەليانىڭ شەبەرحاناسى بويىنشا) بىتىرگەن. 1969-جىلدان «قازاق فيلم» ستۋدياسىندا سەناريست ءارى كينورەجيسسەر رەتىندە قىزمەت ەتتى.

1970-جىلدان - «قازاق فيلم» كينوستۋدياسىنىڭ كينورەجيسسەرى بولدى. ال 2005-جىلدان بەرى شاكەن ايمانوۆ اتىنداعى «قازاق فيلم» ا ق «دەبيۋت» بىرلەستىگىنىڭ جەتەكشىسى بولىپ ەڭبەك ەتكەن ەدى.