21:45, 07 - شىلدە 2021 | GMT +5
قازاقستاندىق سپورتشىلار جاعاجاي ۆولەيبولىنان ازيا چەمپيوناتىندا جۇلدەگەر بولدى
نۇر-سۇلتان. قازاقپارات - تايلاندتا جاس قىزدار مەن ۇلدار اراسىندا جاعاجاي ۆولەيبولىنان ازيا چەمپيوناتى مارەسىنە جەتتى، دەپ حابارلايدى قازاقپارات.
ۇلتتىق وليمپيادا كوميتەتى 19 جاسقا دەيىنگى جاستار اراسىندا وتكەن قۇرلىقتىق باسەكەدەگى قازاقستاندىق سپورتشىلار ناتيجەسىن ۇسىندى.
جاستار اراسىنداعى باسەكەگە قازاقستان اتىنان ءتورت جۇپ قاتىستى. ايەلدەر اراسىندا لاۋرا كابۋلبەكوۆا جانە نادەجدا يۆانچەنكو، ايسۇلۋ مۇحتار قىزى جانە اسەماي سابانبايەۆا، ال ەرلەر اراسىندا دارحان امانجولوۆ پەن دامير لاپوۆ، الەكساندر كەتيلادزە جانە الەكساندر يسمايلوۆ جۇبى باق سىنادى.
جاعاجاي ويىنشىلارىنىڭ تاندەمى دارحان امانجولوۆ پەن دامير لاپوۆ حالىقارالىق دەڭگەيدەگى جارىستا كوزگە ءتۇستى.
3-ورىن ءۇشىن وتكەن باسەكەدە قازاقستاندىق جۇپ تايلاندىق سپورتشىلاردان تەحنيكالىق جەڭىسپەن باسىم ءتۇسىپ، قولا جۇلدەگەر اتاندى.
