بالالار اراسىندا «دەلتا» شتامىن جۇقتىرۋ بەس ەسە ءوستى - ەپيدەميولوگ

الماتى. قازاقپارات - «ءۇندى» شتامىنىڭ تەز تارالۋى بويىنشا الماتى «قىزىل» ايماقتا تۇر.

س. اسفەندياروۆ اتىنداعى قاز ۇ م ۋ جۇقپالى جانە تروپيكالىق اۋرۋلار كافەدراسىنىڭ پروفەسسورى، مەديتسينا عىلىمدارىنىڭ دوكتورى كۇلاش قۇرمانوۆا ەپيدەميولوگيالىق جاعداي تۋرالى ايتىپ، ينفەكتسيادان قالاي ساقتانۋ كەرەكتىگىن ءتۇسىندىردى، دەپ حابارلايدى قازاقپارات ءتىلشىسى.

ونىڭ ايتۋىنشا، قالاداعى ەپيدەميالىق جاعداي كۇردەلى. ويتكەنى جاڭا «دەلتا» شتامىنىڭ كونتاگيوزدىعى جوعارى ءارى انىقتالعان شتامدارعا قاراعاندا %60 عا جۇقپالى. ەگەر SARS- CoV2-اينالمالى شتامىن ءبىر جۇقتىرعان ادام ونى اينالاسىنداعى 3-4 ادامعا جۇقتىرسا، «دەلتا» شتامىن 5-6 ادام جۇقتىرادى. شتامنىڭ ينكۋباتسيالىق كەزەڭى قىسقا، 7 كۇنگە دەيىن. سونداي-اق اۋرۋ جۇقتىرعان ادامنىڭ بۋىندارى مەن ءىشى قاتتى اۋىرادى، جۇرەگى اينىپ، قۇسقىسى كەلەدى. اۋرۋ اياقتىڭ تومەنگى بولىگىنىڭ ميكروترومبوزىنا اكەلۋى مۇمكىن.

«سوڭعى زەرتتەۋلەر كورسەتكەندەي، «ءۇندى» كوروناۆيرۋسىنىڭ قاۋىپتىلىگى سول، اۋرۋحاناعا جاتۋ مەن ءولىم قاۋپى جوعارى. كوروناۆيرۋس ينفەكتسياسىنان كەيىن دەرتتىڭ اۋىرلىعىنا قاراماستان ەندوتەلييت، تامىرلى ميكرو جانە ماكروترومبوز تۇرىندە اسقىنۋلار بايقالادى، ياعني ءارتۇرلى ورگاندار مەن جۇيەلەرگە اسەر ەتۋى مۇمكىن»، - دەدى پروفەسسور.

سونىمەن قاتار، ول ۆيرۋستىڭ مۋتاتسياسى تۋرالى ايتتى.

«قۇرامىندا ر ن ق بار كوروناۆيرۋس تابيعاتتا جوعارى وزگەرگىشتىككە يە. ەگەر پوپۋلياتسيادا ۇجىمدىق يممۋنيتەت قالىپتاسسا، ۆيرۋس مۋتاتسياعا ۇشىرامايدى، ويتكەنى ول تەك ءتىرى جاسۋشالاردا كوبەيە الادى. ۆيرۋستىڭ جاڭا مۋتاتسياسىمەن كۇرەسۋدىڭ جالعىز جولى - ۆاكسينا الۋ. ۇجىمدىق يممۋنيتەت حالىقتىڭ %70 دان استامى ۆاكسينا العاندا قالىپتاسادى»، - دەدى مەديتسينا عىلىمدارىنىڭ دوكتورى. سونداي-اق ەپيدەميولوگ كوروناۆيرۋس جۇقتىرۋدىڭ سەبەپتەرىنە توقتالدى. ونىڭ ايتۋىنشا، اۋرۋدان كەيىن ۆيرۋسقا قارسى يممۋنيتەتتى قالىپقا كەلتىرۋ قارقىندى جانە ۇزاق، ءالسىز ءارى قىسقا مەرزىمدى بولۋى مۇمكىن. مۇنىڭ ءبارى ادام اعزاسىنىڭ رەاكتيۆتىلىگىنە بايلانىستى، سوندىقتان اۋرۋدان كەيىن قايتا ينفەكسيا جوعالمايدى. پروفەسسور سونىمەن قاتار، بالالار مەن جاستاردىڭ اعزاسىندا COVID-19-عا قارسى انتيدەنەلەر جوق ەكەنىن ايتتى.

«بالالار جاڭا «دەلتا» شتاممىمەن 5 ەسە ءجيى اۋىرا باستادى. سوندىقتان قازاقستان بالالاردى ۆاكتسينالاۋ قاجەتتىلىگى تۋرالى ويلانۋى كەرەك. بۇل ماسەلەنى عالىمدار، ەپيدەميولوگتار جانە كلينيكتەر تالقىلايتىن بولادى» - دەيدى ول. سونداي-اق پروفەسسور يممۋندىق جاۋاپ ۆاكسينانىڭ تولىق كۋرسىنان كەيىن شامامەن 3-4 اپتادان كەيىن پايدا بولاتىنىن تىلگە تيەك ەتتى. ونىڭ ىشىندە 2 كومپونەنت الىنادى. وسى ۋاقىتقا دەيىن اعزادا انتيدەنەلەر پايدا بولادى جانە تالداۋ يممۋنيتەتتىڭ ناقتى دەڭگەيىن كورسەتەدى.

اۆتور: الما مۇقانوۆا