13:16, 03 - شىلدە 2021 | GMT +5
الماتىداعى سۋبۇرقاقتا توق سوققان ايەل اۋرۋحانادان شىقتى
الماتى. قازاقپارات - الماتى سيركىنىڭ جانىنداعى سۋبۇرقاقتا توق سوققان 28 جاستاعى ايەل اۋرۋحانادان شىقتى.
بۇل تۋرالى الماتى قالالىق قوعامدىق دەنساۋلىق باسقارماسى ءمالىم ەتتى، دەپ حابارلايدى قازاقپارات ءتىلشىسى.
«ناۋقاس ۇيىنە شىعارىلدى، ول بارلىق قاجەتتى مەديتسينالىق كومەكتى تولىق كولەمدە الدى، جاعدايى تۇراقتى. ودان ءارى باقىلاۋدى تىركەلگەن جەرى بويىنشا ەمحانانىڭ دارىگەرلەرى جۇرگىزەدى»، - دەپ حابارلادى الماتى قالالىق قوعامدىق دەنساۋلىق ساقتاۋ باسقارماسىنان.
ەسكە سالايىق، 19-ماۋسىم كۇنى الماتى تسيركى ماڭىنداعى سۋبۇرقاقتا بىرنەشە ادامدى توق سوقتى. كەيىن اكىمدىك اتالعان وقيعانىن ءمان-جايىن ءتۇسىندىردى.
سونىمەن قاتار، «Eco Almaty» ج ش س-نىڭ باسشىسى جاننا اسانوۆا، ول جەردە «شومىلۋعا تىيىم سالىنادى!» دەگەن ەسكەرتۋ تاقتاشاسى ورناتىلعانىن اتاپ ءوتتى. الماتى اكىمى وقىس وقيعاعا قاتىستى پوليتسيا تەرگەۋ جۇرگىزىپ جاتقانىن حابارلادى.
