توكيو وليمپياداسىن قاي ارنالار كورسەتەدى؟
اۋەلى اقتوتى رايىمقۇلوۆا بيىلعى وليمپياداعا باراتىن سپورتشىلارمەن قوسا دەلەگاتسيالاردىڭ سانى دا قاتتى قىسقارعانىن ايتىپ ءوتتى.
«بۇگىنگى احۋال دۇنيەجۇزى بويىنشا كۇردەلى بولىپ تۇر. سوندىقتان رەسمي دەلەگاتسيانىڭ دا سانى قىسقاردى. مىسالى بۇرىنعى جىلدارى ءاربىر سپورتشىنىڭ جەكە باپكەرى بىرگە باراتىن ەدى. قازىر ولاردىڭ سانى دا قىسقارتىلىپ جاتىر. رەسمي دەلەگاتسيانىڭ دا سانى قىسقارعان. كىم-كىمنىڭ باراتىنى ءالى دە ناقتىلانىپ جاتىر»، - دەدى ۆدەومستۆو باسشىسى.
ءمينيستردىڭ ايتۋىنشا، 16- شىلدەدە «Air Astana» ۇشاعىمەن قۇراما كوماندانىڭ ءبىرىنشى رەيسى توكيوعا ۇشادى.
ال ەكىنشى رەيس 27- شىلدەدە شىعۋى كەرەك.
«ويىنداردىڭ كورسەتىلىمى بويىنشا ۇلتتىق وليمپيادا كوميتەتىمەن كۇندەلىكتى كەلىسسوزدەر ءجۇرىپ جاتىر. ءۇمىتىمىز بار. ۇلتتىق ارنالاردان بولسىن، سپورتتىق ارنالاردان بولسىن وليمپيادانى كورسەتۋ بويىنشا جۇمىستارىمىزدىڭ قورىتىندىسىن كورەمىز دەپ ويلايمىن»، - دەدى مادەنيەت جانە سپورت ءمينيسترى.
