نۇرسۇلتان نازاربايەۆتىڭ ءومىرى مەن قىزمەتى تۋرالى دەرەكتى فيلم كورسەتىلدى

نۇر- سۇلتان. قازاقپارات – ق ر تۇڭعىش پرەزيدەنتى - ەلباسى نۇرسۇلتان نازاربايەۆ «حابار» تەلەارناسىنداعى «شتريحي ك پورترەتۋ. ليدەر» فيلمىنە سۇحبات بەردى، دەپ حابارلايدى قازاقپارات.

«مەنىڭ جاسىمدا بارىنەن دەمالعىم كەلەدى. ءبىراق ول مۇمكىن ەمەس. ويتكەنى، ادامدار حات جازادى، كەزدەسۋگە سۇرانادى. وسىلايشا، جۇمىس ىستەۋگە تۋرا كەلەدى. پوشتاعا دا حالىقارالىق جانە ەل ىشىنەن تولاسسىز حاتتار كەلەدى. بۇل ءبىر جاعىنان جاقسى شىعار. مي جۇمىس ىستەۋى ءۇشىن ءبىر نارسەمەن اينالىسۋ كەرەك»، - دەيدى ەلباسى.

40 مينۋتتىق فيلمدە ەلباسى شەكارالاردى بەكىتۋ بويىنشا كورشىلەس رەسەي، قىتاي، قىرعىزستان جانە وزبەكستان ەلدەرىمەن كەلىسسوز قالاي جۇرگەنىن ەسكە الدى. سونىمەن بىرگە، تۇڭعىش پرەزيدەنت رەسەيلىك ساياساتكەرلەردىڭ قازاقستاننىڭ سولتۇستىك ايماقتارى تۋرالى مالىمدەمەلەرى جونىندە پىكىر ءبىلدىردى.

«ساياساتكەرلەر كوپ نارسەنى ايتا بەرەدى. جەر بەردىك دەيدى، الدىق دەيدى، سىيلادىق دەيدى. قانداي جەردى سىيلاپتى؟ ەگەر ءبىز التىن وردانىڭ مۇراگەرى بولساق، ماسكەۋ كنيازدىگى الىم- سالىق تولەگەن. ەندى 800 جىلدىق تاريحتى ەسكە الۋىمىز كەرەك پە؟ سوندىقتان، ايتىلىپ جاتقان ءتۇرلى پىكىرلەرگە ءمان بەرۋدىڭ قاجەتى جوق. رەسەيدىڭ رەسمي بيلىگى بۇل ماسەلە بويىنشا تۇسىنىكتەمە بەردى - سول عانا ماڭىزدى»، - دەپ جاۋاپ بەردى ن. نازاربايەۆ.

دەرەكتى فيلمنىڭ تولىق نۇسقاسىن تومەندەگى ۆيدەودان كورۋگە بولادى.