اپتاپ ىستىق ادام دەنساۋلىعىنا نەسىمەن قاۋىپتى؟
ماماننىڭ ايتۋىنشا، ىستىق كۇندە ءوزىڭىزدى قورعاۋ ءۇشىن قاراپايىم ەرەجەلەردى ساقتاۋ كەرەك.
«شىلدە-تامىز ايلارىندا بىزگە اسىرەسە بالالار كوپ كەلەدى، ولاردىڭ باسىم بولىگى سول كۇن وتكىزىپ الادى. ولار قۇسۋ، جۇرەك اينۋ، ديارەيا جانە مۇرىننان قان كەتۋ سياقتى سيمپتومدارعا شاعىمدانادى. ەرەسەكتەر ادەتتە باس اينالىپ، باس اۋرۋىنا شاعىمدانادى، كوبىنەسە ولاردىڭ قان قىسىمى كوتەرىلىپ، مۇرىننان قان كەتەدى، 65 جاستان اسقان ادامداردا سوزىلمالى اۋرۋلار دا كۇشەيەدى. مۇنداي جاعدايلاردا ۋاقتىلى مەديتسينالىق كومەك كورسەتۋ قاجەت. سونداي-اق، پاتسيەنتتەردىڭ وزدەرى دارىگەرلەردىڭ بارلىق ۇسىنىستارىن ساقتاۋى ماڭىزدى»، - دەدى 7№ قالالىق ەمحانانىڭ شارۋاشىلىق جۇرگىزۋ قۇقىعىنداعى م ق ك جالپى پراكتيكا دارىگەرى بوتاگوز جامپوزوۆا.
ونىڭ ايتۋىنشا، ەگەر كۇن سايىن ءبىر دارىگەر 25 ادامدى قابىلداسا، 3-4 پاتسيەنتتەن كۇن وتكەنى ءدال انىقتالادى.
«كۇندىز كۇن ساۋلەلەرى اسىرەسە بەلسەندى كەزدە اسا قاجەتتىلىك بولماسا دالاعا شىعۋدىڭ كەرەگى جوق. ال ەگەر ءسىز جۇمىستارىڭىزبەن ءبىر جاققا بارۋىڭىز كەرەك بولسا، تابيعي ماتادان، ماقتادان نەمەسە زىعىردان جاسالعان جەڭىل جانە بوس كيىم كيگەنىڭىز ابزال. وزىڭىزبەن بىرگە اۋىز سۋ الىپ ءجۇرىڭىز. اشىق ءتۇستى كيىم مەن باس كيىم كيىڭىز. كوزىڭىزگە كوزىلدىرىك تاعۋدى دا ۇمىتپاڭىز»، - دەپ قورىتىندىلادى دارىگەر.
بۇعان دەيىن جۇقپالى اۋرۋلار دارىگەرى اپتاپ ىستىقتىڭ باستالۋىنا بايلانىستى ىشەك ينفەكسيالارىنىڭ الدىن الۋ تۋرالى دا ايتقان بولاتىن.
