قىرىمبەك كوشەربايەۆ مەملەكەتتىك سىيلىعىن بەرۋ جونىندەگى كوميسسيانىڭ وتىرىسىن وتكىزدى

نۇر-سۇلتان. قازاقپارات - مەملەكەتتىك حاتشى قىرىمبەك كوشەربايەۆ قازاقستان رەسپۋبليكاسىنىڭ عىلىم مەن تەحنيكا سالاسىنداعى مەملەكەتتىك سىيلىعىن بەرۋ جونىندەگى كوميسسيانىڭ وتىرىسىن وتكىزدى، دەپ حابارلايدى اقوردا.

ق ر مەملەكەتتىك حاتشىسى قىرىمبەك كوشەربايەۆتىڭ توراعالىعىمەن 2021 -جىلعى قازاقستان رەسپۋبليكاسىنىڭ ءال-فارابي اتىنداعى عىلىم مەن تەحنيكا سالاسىنداعى مەملەكەتتىك سىيلىعىن بەرۋ جونىندەگى كوميسسيانىڭ وتىرىسى ءوتتى. كوميسسيا سىيلىققا ۇسىنىلعان 16 جۇمىستى قاراپ، مەملەكەتتىك عىلىمي- تەحنيكالىق ساراپتامانىڭ ناتيجەلەرىمەن، سونداي-اق، مەديتسينا جانە بيولوگيا عىلىمدارى، جاراتىلىستانۋ عىلىمدارى، تەحنيكا عىلىمدارى، گۋمانيتارلىق عىلىمدار، اۋىل شارۋاشىلىعى عىلىمدارى بويىنشا بەس سەكسيانىڭ ساراپتامالىق- تالدامالىق ۇسىنىستارىمەن تانىستى. كوميسسيا وتىرىسىنىڭ قورىتىندىسى بويىنشا 2021 -جىلعى قازاقستان رەسپۋبليكاسىنىڭ ءال-فارابي اتىنداعى عىلىم مەن تەحنيكا سالاسىنداعى مەملەكەتتىك سىيلىعىن الۋ ءۇشىن ۇسىنىلعان جانە الدىن الا ىرىكتەۋدەن وتكەن جۇمىستاردىڭ ءتىزىمى بەكىتىلدى. ءتىزىم بۇقارالىق اقپارات قۇرالدارىندا جاريالانادى.