قازاقستان قانشا بالىق ءونىمىن يمپورتتايدى؟
بۇل تۋرالى ەكولوگيا، گەولوگيا جانە تابيعي رەسۋرستار مينيسترلىگى بالىق شارۋاشىلىعى كوميتەتىنىڭ ءتوراعاسى ناريمان ءجۇنىسوۆ ايتتى، دەپ حابارلايدى قازاقپارات ءتىلشىسى.
«بالىق رەسۋرستارىنىڭ تابيعي قورلارىنىڭ تۇراقتى جاي-كۇيىنىڭ ارقاسىندا 2020-جىلى 47 مىڭ توننا بالىق اۋلانعان. ءوز كەزەگىندە، شيكىزاتتىڭ بولۋى 75 ميلليون ا ق ش دوللارى سوماسىنا 35,7 مىڭ توننا كولەمىندە بالىق ونىمدەرىن وڭدەۋگە جانە ەكسپورتتاۋعا مۇمكىندىك بەردى. بالىق ونىمدەرىنىڭ يمپورتى 72,1 ميلليون ا ق ش دوللارى سوماسىنا 43,6 مىڭ توننانى قۇرادى، بۇل رەتتە يمپورتتىڭ نەگىزگى بولىگى مۇحيت بالىعى مەن تەڭىز ونىمدەرى»، - دەدى ن. ءجۇنىسوۆ ورتالىق كوممۋنيكاتسيالار قىزمەتىندە.
بۇدان بۇرىن حابارلانعانداي، بالىق شارۋاشىلىعىن دامىتۋدىڭ 2030-جىلعا دەيىنگى باعدارلاماسى اياسىندا بالىق قسىرۋ قاي دەڭگەيدە ارتاتىنى ايتىلدى.
«باعدارلامادا قولدا بار الەۋەتتى ەسكەرە وتىرىپ، 2030-جىلعا قاراي وسىرىلگەن بالىق كولەمىن جىلىنا 270 مىڭ تونناعا دەيىن ۇلعايتۋ مىندەتى قويىلعان. ءوسىرۋ كولەمىن ۇلعايتۋ بالىق وسىرۋگە جارامدى سۋ ايدىندارىن پايدالانۋ، سونداي-اق جاڭا ينۆەستيتسيالىق يندۋستريالىق بالىق ءوسىرۋ جوبالارىن ىسكە اسىرۋ جانە جۇمىس ىستەپ تۇرعان شارۋاشىلىقتاردى جوبالىق قۋاتىنا دەيىن جەتكىزۋ ەسەبىنەن جوسپارلانىپ وتىر»، - دەدى كوميتەت باسشىسى.
