قازاقستان مەن بەلارۋس پرەزيدەنتتەرى كوپجاقتى ىنتىماقتاستىقتى نىعايتۋ پەرسپەكتيۆاسىن تالقىلادى
قازاقپارات بۇل تۋرالى اقورداعا سىلتەمە جاساپ حابارلايدى.
اڭگىمەلەسۋ بارىسىندا مەملەكەت باسشىلارى قازاقستان مەن بەلارۋس اراسىنداعى كوپجاقتى ىنتىماقتاستىقتىڭ، ستراتەگيالىق سەرىكتەستىك پەن وداقتاستىقتىڭ قازىرگى جاعدايىن جانە ونى نىعايتۋدىڭ پەرسپەكتيۆالارىن تالقىلادى.
تاراپتار ءوزارا ساۋدا- ساتتىق كولەمىن ارتتىرۋعا، ماشينا جاساۋ، اۋىل شارۋاشىلىعى، كولىك جانە باسقا دا سالالارداعى بىرلەسكەن جوبالاردى جۇزەگە اسىرۋعا ءمان بەرە وتىرىپ، ساۋدا- ەكونوميكالىق ىقپالداستىق پەن وندىرىستىك كووپەراتسيانى جان- جاقتى جانداندىرۋعا ەرەكشە نازار اۋداردى.
بۇدان بولەك پرەزيدەنتتەر وڭىردەگى ەپيدەميولوگيالىق احۋال، سونداي-اق ەكى ەل حالقىن جاپپاي ۆاكتسينالاۋ ءۇشىن قابىلدانىپ جاتقان شارالار جايىندا پىكىر الماستى. وسى رەتتە مەملەكەت باسشىلارى COVID-19 پاندەمياسىنىڭ تەرىس سالدارىن ەڭسەرۋ جونىندەگى ۇيلەسىمدى ءىس- قيمىلداردى جالعاستىرۋعا نيەتتى ەكەنىن ناقتىلادى.
