ءۇندىستاندا كوروناۆيرۋستىڭ «دەلتا پليۋس» شتامى ۇرەي تۋعىزىپ وتىر
2,7 ميللياردتان استام ادام ۆاكتسينا الدى، دەپ حابارلايدى قازاقپارات ۆ ۆ س- گە سىلتەمە جاساپ.
ۇلى بريتانيا ەۋروپانى باسىپ وزدى
ۇلى بريتانيا ەۋروپادا كوروناۆيرۋس ىندەتى بويىنشا ءبىرىنشى ورىنعا شىقتى. بەيسەنبىدە ۇلى بريتانيادا Covid-19-دىڭ 16 مىڭنان استام جاعدايى انىقتالدى (وتكەن اپتادا شامامەن 11 مىڭ). سالىستىرۋ ءۇشىن، فرانسيادا سول كۇنى اۋرۋدىڭ 2 مىڭ جاعدايى تىركەلدى، گەرمانيادا - 654. وسى اپتادا ۇلى بريتانيادا ىندەتتىڭ «دەلتا» نۇسقاسىمەن سىرقاتتانۋشىلىق ەكى ەسە ارتتى.
يزرايل قايتا ماسكا كيە باستادى
يزرايل Covid-19 احۋالىنا بايلانىستى ماسكا رەجيمىنە قايتا كوشتى. بۇل - جەرگىلىكتى بيلىكتىڭ «دەلتا» كوروناۆيرۋس شتامىنىڭ تارالۋىن بولدىرماۋ ماقساتىندا قولعا العان شارا.
«دەلتا پليۋس» كوروناۆيرۋسى اكەلگەن ۇرەي
كوروناۆيرۋستىڭ ەكىنشى تولقىنىنان كەيىن ءۇندىستان شەكتەۋلەردى بىرتىندەپ الىپ تاستايدى. الايدا ساراپشىلار Covid-19 ءۇشىنشى تولقىنىنا دايىندالۋ كەرەكتىگىن ايتىپ وتىر. ءۇندىستاندا تابىلعان «دەلتا پليۋس» كوروناۆيرۋسىنىڭ جاڭا نۇسقاسى قازىرگى ۆاكسينالاردىڭ اسەرىن السىرەتۋى مۇمكىن دەگەن قاۋىپ بار. «دەلتا پليۋس» - «دەلتا» كوروناۆيرۋس نۇسقاسىنىڭ ءبىر ءتۇرى. ءدال وسى ءتۇرى Covid-19-دىڭ ەكىنشى تولقىنىنا سەبەپ بولدى.
ءۇندىستان ۇكىمەتى «دەلتا پليۋس» نۇسقاسىنا قاتىستى الاڭداۋشىلىق ءبىلدىردى. ەگەر ۆيرۋس ءالسىز ادامدار اراسىندا تارالا بەرسە، بولاشاقتا مۇنداي نۇسقالار كوبىرەك پايدا بولۋى مۇمكىن، دەيدى ساراپشىلار. الايدا قازىر جاڭا نۇسقادان كوروناۆيرۋستىڭ ءۇشىنشى تولقىنى پايدا بولاتىنىن ناقتى بولجاۋ مۇمكىن ەمەس. ساراپشىلار الداعى بىرنەشە اپتادا ءبارى وزگەرۋى مۇمكىن ەكەنىن ايتادى.
سيدنەيدىڭ كەيبىر اۋداندارىندا، سونىڭ ىشىندە بوندي- بيچ Covid-19 ينفەكسياسىنىڭ ارتۋىنا بايلانىستى كەزەكتى رەت لوكداۋن ەنگىزدى. جاڭا شەكتەۋلەر قالا ورتالىعى مەن قالا ماڭىنا تارالادى. وسىلايشا، اۆستراليا بيلىگى «دەلتانىڭ» ولىمگە اكەلەتىن نۇسقاسىنىڭ تارالۋىن بولدىرماۋعا تىرىسۋدا. اۆستراليادا جۇما كۇنى كوروناۆيرۋس ينفەكسياسىنىڭ 16 جاعدايى تىركەلدى.
بۇل - جەلتوقسان ايىنىڭ باسىنان باستاپ سيدنەيدەگى العاشقى لوكداۋن.
بريتاندىق وليمپيادا قۇراماسىنىڭ ءبىر بولىگى توكيوداعى ويىنداردىڭ الدىندا ۆاكسينا العىسى كەلمەيدى. بۇل تۋرالى بريتان وليمپيادا قاۋىمداستىعىنىڭ باسشىسى ەندي انسون مالىمدەدى.
كوميتەت باسشىسى ويىنداردىڭ باستالۋىنا دەيىن بريتان سپورتشىلارىنىڭ %90 استامى كوروناۆيرۋسقا قارسى ۆاكسينا الاتىنىن، ءبىراق ۇلتتىق قۇرامانىڭ كەيبىر مۇشەلەرى ۆاكسيناعا قارسى ەكەنىن ايتتى.
