نۇرسۇلتان نازاربايەۆ كوروناۆيرۋس ۆاكسيناسىن سالدىردى

نۇر-سۇلتان. قازاقپارات - قازاقستاننىڭ تۇڭعىش پرەزيدەنتى قاراعاندى فارماتسيەۆتيكالىق زاۋىتىندا شىعارىلعان «سپۋتنيك V» ۆاكسيناسىنىڭ ءبىرىنشى كومپونەنتىن الدى، دەپ حابارلايدى Elbasy.kz.

ۆاكسيناتسيادان كەيىن ەلباسى قازاقستاندىقتاردى سانيتارلىق-ەپيدەميولوگيالىق قاۋىپسىزدىك تالاپتارىن ساقتاۋعا جانە بەلسەندى تۇردە ەكپە سالدىرۋعا شاقىردى.

- قازىرگى تاڭدا قازاقستاندا ءۇش ميلليونعا جۋىق ادام ۆاكسينا سالدىردى. بۇگىن مەن دە كوروناۆيرۋسقا قارسى ۆاكسينا الدىم. بارشا قازاقستاندىقتاردى بەلسەندى تۇردە ۆاكسيناتسيا جاساتۋعا، ودان قورىقپاۋعا شاقىرامىن. اسىرەسە قازىر ۆيرۋستىڭ جاڭا شتامى پايدا بولعان كەزدە ۆاكسينا سالعىزۋدىڭ ماڭىزى ەرەكشە. بۇل ءوز دەنساۋلىعىمىز ءۇشىن كەرەك. ءبىز كۇردەلى ۋاقىتتا ءومىر ءسۇرىپ جاتىرمىز. وسى قيىندىقتى بىرلەسىپ ەڭسەرۋگە ءتيىسپىز. بارشاڭىزعا شىن جۇرەكتەن مىقتى دەنساۋلىق پەن باق-بەرەكە تىلەيمىن، - دەدى نۇرسۇلتان نازاربايەۆ.